O le galue malosi lava mo aiga

By Aruna Lolani 25 June 2017, 12:00AM

O  le  maua  ai  o  le fa’atalatalanoaga ma le tamā Vao Maoluma Lauagiagi, 60, Tuana’i ma Afega o aga’i mai lona ma'umaga. 

Sa ia ta'ua o le galuega matua lava le alu ma le fo'i ifo le maumaga aua lava le agaga fesoasoani le tausiga o le aiga. 

“O a’u ou te nofo i tai peita'i ou te galue mai lava i uta nei." 

“Ua leva ona iai se manatu e mau te omai i uta nei, ae talu ai o le leai se vai ma se eletise e au mai uta nei ua ala ai lava ona le omai." 

“O le itu lelei o le omai i uta nei e latalata lava i le maumaga e faigoife ai foi le galue fai i aso uma." 

“Ia ae paga lea o le leai se vai ma se eletise e ala ai ona le taunu’u lenei fa’amoemoe." 

“O  a’u  e to’afa le fanau faigaluega, ae o lo’u lava ia naunau ina ia ou galue mo le fanau ma fesoasoani e maua ai foi le fiafia ma se aiga maopopo." 

“O le tele lava o le fa’afitauli o le leai se tupe." 

Ae peita’i e ui lava i le fa’afitauli i vaega tau tupe ae pei o mea totō o lo’o lava i le taimi lenei.

“A le’o le fa’atoaga ma le sami e tua iai aua se meaai e leai lava se mea e popole iai." 

 “ E pei o tai latou e pu mo’omo’o le nofoaga sa i ai, e pei e leai lava ni vaega e mafai ona totō ai vaega nei."

“Ia mo mea o la’au toto uma e pei o mea’ai ma nisi o vaega, ia o le taimi lenei ua mafai ona fa’atau fa’i ia lea fo’i fa’ato’a uma atu le fuata."

“E leai se agaga ia fa’atau ni mea’ai tusa a sau lava le tagata e sau e mana’omia e ave lava, ia pe lima talā pe leai ia ua lava lea." 

“O si o matou aiga e pala ia o mea’ai ma e tele ina ‘a’ai mai si o matou pitonu’u, ia o lo’u ia va’ai ia e pei o si o’u tamā e ana uma nei galuega, ina ia manuia i matou ma le fanau ma le to’alua."

By Aruna Lolani 25 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>