Palemia i Niu Ioka mo se feagaiga o le Tala Faasolopito

SW
By Staff Writer, 24 April 2016

A’o tapenapena le atunuu mo le Afā Malosi o Amosa ananafi, sa ofoina atu e le Palemia o Tuilaepa Sa’ilele Malielegaoi ana talosaga mai Niu Ioka. O loo filo o ia i ta’itai mai le 175 atunuu o loo potopoto i lea nofoaga e saini le Feagaiga i Pale e uiga i le suiga o le tau, e avea ma feagaiga tau ma’a faamanatu e avea ma ki o se laasaga i luma, aemaise ai lava le ulufale atu i totonu o tausaga o le malosi o i luma atu o fuafuaga. 

O le sainia o lea feagaiga na faatino ananafi, e faamanatu ai le Aso o le Eleele.

I sana tautalaga e uiga i lea sainia o lea feagaiga, o le tamalii Samoa lea o loo tu i le foe o Malo Aufaatasi, le Failautusi Aoao o Tupua Ban Ki-moon-na ia viia lea sauniga e avea ma “faagasologa i luma tau le tala faasolopito. “O le Feagaiga i Pale ua aiaia ai le mautinoa o le faiga faavae ma le faatonuga manino lelei e talosagaina e tagata faipisinisi, tagata lautele ma ta’ita’i o se atunuu. I le taimi nei la-e tatau ona tatou avatu se gaoioiga e faasino i le tau i le isi maualuga, o le faaaliga lea a Tupua. 

 “O le faia o se galuega e uiga i le tau, matou te tuuina atu Sini Tau Atiina A’e Faatumauina ma le Pepa o Galuega o le 2030. O malo o atunuu, setete ma le faa-itulagi, aai, le vaega o tagata faipisinisi, tagata teutupe faafaigaluega ma tagata lautele o le atunuu-e taua i latou uma lava mo le fo’ia o faafitauli matuiā ua aliali mai ona o le suiga o le tau. “Pulenuu mai le faitau afe ma afe o aai ua latou faaitiitia le kasa oona ma faamalosi a latou taumafaiga mo le faaitiiti o faafitauli ona o ia faalavelave. Ua matua gaoioi tagata lautele  mo se taimi muamua. “Ua gaoisi e Kamupani tekonolosi tau le siosiomaga ma fuafua lelei le faaaogaina o le malosi e mafai ona toe faafou. O tagata teutupe faafaigaluega ua amata ona latou aveese tupe maua e matua tele mai teugatupe faafaigaluega mai le suau’u mai le eleele.” Ae peitai, e faigata le lagolago tau tupe, o le faaaliga lea a Tupua. “E sili mamao atu i lo le $100 piliona-ma o le mea moni, e turiliona tala-o loo mana’o mia e faatino ai se tamaoaiga lelei ma le malosi o le lalolagi.

“O punavai o le malosi e mafai ona faatumauina e tatau ona vave fuafua ina ia talafeagai ma le manaomia faanatinati o le malosi o ona po ne ii totonu o le lalolagi tau ati a’e. O La’u Malosi e mafai ona Faatumauina mo taumafaiga uma o loo aoga i le toatele o outou ona outou faia. 

 “O le Faatinoina o le Feagaiga i Pale e manaomia ai atunuu ina ia faatinoina a latou lava fuafuaga faale-atunuu o le tau, ma ia faateleina o latou mana’o i le tele o taimi. Ou te ta’utino atu ia te outou o le a faatino e Malo Aufaatasi le mea sili na te mafaia e lagolago ai Setete e Auai ina ia faatinoina nei fuafuaga.” E tusa ai ma Tupua, i Lima ma Pale, o le Fuafuaga o Gaoioiga na faaalia ai le matafaioi a paaga o le tau ina ia matua faateleina a latou taumafaiga. “O lenei aoauli o le a faapito i le faateleina o gaoioia ma faiga-paaga o i totonu o vaega e tolu tau gaoioiga; ia ia matua nofomau i lalo o le maualuga o le tau e 2 tikeri, ia una’ia le faateleina ma ia tuliloa le atiina a’e e taofia ai le tau. O gaoioiga a a le Saute-Saute e matua taua tele i le salaga o lea vaega. 

 “O anapo na faatinoina ai e lo’u ofisa faatasi ai ma le Ofisa o Malo Aufaatasi mo le South-South Cooperation-le “Faatulagaina o le Southern Climate Partnership Incubator.”O le ana faanatinatia taumafaiga ina ia faavaeina ma faatupe faiga-paaga o le Tau i totonu o atunuu tau atiina a’e e lagolago a’i Taumafaiga tau le faatumauina o atiina a’e.

“O lenei Tuufaatasiga o le a tilotilo taula’i i le malosi e mafai ona toe faafou, aai lelei, faamatalaga tetele ma le tulaga lelei o le tau. 

Ou te una’ia outou ina ia a’oa’o ni mea se tele ma auai. “O le Asō e faasino i le aoaoina mai le tasi i le isi ina ia mafai ai ona saga faaleleia i tatou, ‘alofia le toe fai o le mea e tasi, ma ia vave ona faateleina le saoasaoa, tulaga ma le tele ua ‘ausia e paaga o le tau.  “Ou te una’ia outou uma ta’ito’atasi ina ia fiafia ma tau lagalaga. E leai so tatou taimi e tatau ona maumau-ma e anoano mea e mafai ona maua-e ala i le faateleina o le galuega tau le suiga o le tau.”Sa auai le Failautusi a le Iunaite Setete o John Kerry, ma si’isi’i lona afafine laititi, i le toatele o ta’ita’i o le lalolagi mo se sauniga e saini ai lea aofaiga o pepa mo faigamalo a le lalolagi. E le faapea ona toatele ni atunuu e sainia se feagaiga i le aso muamua na maua ai le avano. O Setete sa le mafai ona saini i le Aso Faraile ua tuuina atu i ai le tausaga e faatino ai lea tulaga. O le toatele ua i ai nei le mannatu o lea feagaiga o le tau o le a amata ona faamamaluina a’o lei taitai ona aulia le aso e faamuta ai o le 2020. Fai mai nisi e mafai ona tupu i lenei tausaga.

Ina ua mae’a ona saini, e tatau i atunuu ona latou faamaonia aloa’ia muamua le Feagaiga i Pale  e ala ia latou taualumaga faale-atunuu. Fai mai Malo Aufaatasi e 15 atunuu, o le tele o i latou o setete o atumotu laiti ia o loo i lalo o le faamata’u o le siitia o le maualuga o le suasami, na faatinoina lea tulaga i le Aso Faraile e ala i le tuuina atu o faatonuga e fai ai fesuiaiga.  

O Saina, le atunuu maoa’e o le lalolagi e afua mai ai le kasa oona, na ia folafola o le a na “faamae’aina taualumaga tau lo latou lotoifale” ona ia faamaonia loa lea o le Feagaiga i Pale a’o lumana’i ai le fono tele o le G-20 i Saina ia Setema.

Sa vave ona faafetaia e Ban lea folafolaga. Fai mai Kerry ua “matua naunau lava le Iunaite Setete ina ia auai” i lea feagaiga i le tausaga nei. O loo matamata mai le lalolagi ma le faanaunau:

Fai mai latou o loo mata’ituina lea tulaga afai e faamamaluina lea feagai i luma o Peresetene Obama ae na te le’i tuua lona tofi ia Ianuari, o le a sili atu ona lavelave mo lē e suitulaga ia te ia ona alu ese mai lea maliega talu ai e fa tausaga e faagasolo ai e tusa ai ma tulafono a lea feagaiga.

O le sui o Saina mo mataupu e faasino i le Tau, o Xie Zhenhua, fai mai o loo faamoemoe lona malo o le a auai le Iunaite Setete i lea feagaiga o le tau “i se taimi vave e mafai ai.” Na tuuina atu e le Iunaite Setete lea feagaiga i totonu o faaupuga tau le tamaoaiga.

“O le malosi o lenei feagaiga e faapea o le a le mea o le a mafai ai ona tatala ia sa’oloto tagata faipisinisi,” o le faaaliga lea a Kerry i le potopotoga, ma na ta’ua ai e faapea o lenei tausaga o lea ua sauni atu e avea ma tausaga e sili ona vevela e pei ona faamaumauina.

ADVERTISEMENT

O lea feagaiga o le a amata ona faamamaluina i le taimi lava e auai aloa’ia  le a itiiti mai o le 55 pasene o atunuu o le lalolagi e maua ai le kasa oona.

O se fuafuaa na fai e le World Resources Institute e faamautu i Uosigitonu na maua ai e faapea a itiiti mai o le 25 atunuu o loo fai ma sui o le 45 pasene  o kasana oona i le lalolagi ua auai i lea feagaiga i le Aso Faraile pe ua noatia foi ina ia auai i se taimi vave.

Fai mai le Peresetene o Falani o Francois Hollande, o ia lea na muamua ona sai i lea feagaiga, o le a na talosagaina le palemene ina ia faamaonia lea feagaiga i lenei vaitau o le tau mafanafana. O le Minisita o le siosiomaga o Falani o ia lea e pule i feutanaiga e faasino i le tau a le lalolagi. 

Ua le toe i ai se avanoa i le taimi nei e toe liliu ai i tua,” o le faaaliga lea a Hollande i le potopotoga..Na folafola foi e le Palemia o Kanata o Justin Trudeau e faapea o le a faamaonia e lona atunuu le feagaigai i le tausaga nei. O isi atunuu na fai mai i le Aso Faraile ua i ai lo latou faamoemoe e auai i lea feagaiga i lenei tausaga- e aofia ai Mexico ma Ausetalia.

O lea sauniga o le tau na avatu faatasi ai se vaega tele o setete ia o loo i luga o isi mataupu-ia e ono mafai ona matua tete’e lava i ai.

O le minisita o le va i fafo a Korea i Matu na auai i se faiga e le masani ai a Malo Aufaatasi ma saini i le Aso Faraile, ma le Peresetene o Zimbabwe o Robert Mugabe ma na matua patipatia ina ua na folafolaina,  "O le Ola lava ua i se tulaga faigata i totonu o lenei tauiviga. Ua ia i tatou le malosi e manumalo ai.” 

O Atunuu ia latou te le’i faailoa atu latou te saini i lea feagaiga i le Aso Faraile e aofia ai nisi o atunuu tetele o le lalolagi e galuea’ina le suau’u, e aofia ai Saudi Arabia, Iraq, Nigera ma Kazakhstan, o le faaaliga lea a le World Resources Inititute.

O le Feagaiga i Pale, o le tali a le lalolagi i tau e sili ona vevela, siitia o le maualuga o le suasami ma isi lava faafitauli o le suiga o le tau, na ausia ia Tesema  e tusa ai ma le fesili poo ai e tatau ona ia faia le a.

E tusa ai ma lea feagaiga, sa faatulaga e atunuu a latou lava fuafuaga mo le faaitiiti o le kasa oona  o le kaponi ma isi lava kasa oona. O vaaiga tau sili e le o mausali faale-tulafono, ae tautau i atunuu ona tuuina atu faamatalaga ia i latou i le ta’i 5 tausaga uma..

Ua uma ona feagai setete ma le faigata ona toe fia o nisi mea. O fuafuaga ma suesuega faa-Saienesi ua faaalia ai le vaega muamua o fuafuaga ua ofo mai e atunuu i Pale ia e le fetaui ma le faamoemoe tu’utu’u –loloa o le maliega mo vaitaimi uumi ina ia tausisia le vevela o le lalolagi i lalo ifo o le 2 tikeri le vevela (3.6 tikeri Fahrenheit), faatusatusa i taimi i luma atu o le taimi o oloa gaosia.

O le vevela e laugatasia ai le lalolagi ua loa ona ‘a’e i luga ma ua toetoe lava 1 le tikeri Celsiua. O le tausaga talu ai o le tausaga aupito i vevela lea ua faamauina. O le faatulagaina talu ai nei e tusa ai ma le fuafuaga a le Climate Interactive na faaalia ai  i talosaga i Pale ua tuu atu ai le lalolagi i luga o se ala mo le 3.5 tikeri Celsius  o le mafanafana.

O se faatulagaina e ese ai a le Climate Action Tracker, o se vaega lea a Europa, na valoia ai se mafanafana e 2.7 tikeri Celsiua. 

Poo le a lava, fai mai saienesi o ona taunuuga e ono matua faigata lava i nisi nofoaga, e tafe ese ai uma ai meatotō, tafega i le gataifale ma liua suavai ai le sami aisa i le Atika.

 “E le o se mea lelei lenei mo malo o tatou atumotu, a itiiti mai e le o le taimi nei,” o le faaaliga lea a le taitaifono  o Setete Tuufaatasi o Atumotu Laiti , le Peresetene o Nauru o Baron Divavesi Waqa i le potopotoga. “O le galuega aupito i faigata o lea ua amata i le taimi nei.”

A’o faagasolo i luma le Feagaiga i Pale, o loo i ai ni tala fiafia, vevela uiga ese o le Lalolagi, le puna aupito i tele o kasa oona e gaosia e le tagata, na faaletonu i le tausaga talu ai e ui lava ina sa tupu pea le tamaoaiga o le lalolagi, e tusa ai ma se Sui Sooupu o se Internationa Energy Agency

Ae poo le a lava, o sua’u mai le eleele e matua faaaoga  e le toatele i lo puna o malosi toe faafou e pei o le matagi ma le La.

*Lipoti faaopoopo mai le AAP

SW
By Staff Writer, 24 April 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?