O seleni lava mea uma o le olaga

FT
By Fetalai Tuilulu’u, 27 May 2017

O le seleni i lenei vaitau ua tele lona aoga i le soifuaga o le tagata ma ua tele lona aoga i le faatupeina o so’o se manaoga i so’o se itu.

Aemaise lava le tausiga o aiga ma fanau aemaise ai faalavelave faale-aiga. 

O le tina ia Kirita Kenese, 36-tausaga le matua mai le afioaga o Malie o lo’o iai moomia lava le itu tau seleni mo lona aiga.

“E ese le faigata o le tulaga o lo’o iai nei lo matou aiga aua e na’o lo’u toalua lava e faigaaluega ma o ia lava le alagatupe a lo matou aiga i le taimi nei” o lana tala mai lea i le Fofoga o Samoa 

“O le matou aiga e na’o maua lava ma le ma fanau ma matua o lo’u toalua o lo’o matou nonofo faatasi 

“Ma e moomia ai lava le telē lea o se seleni mo mea fai aua fa’i o meaai mo aso uma ae o meaai foi e faatau mai lava i seleni mea uma

“Sa ou mafaufau lava e sue sa’u galuega ae o lo’u foi ia popolega e leai seisi e avea la’u fanau i le aoga aemaise ai o mea fai i aso uma i lo’u aiga

ADVERTISEMENT

“O le galuega a lo’u toalua e moni lava ae e le tele ai sana tupe e maua mai ai ae a maua mai foi ua iai lava mea ua uma ona faataatitia e faaalu ai

“O lena foi o pili aoga a le fanau, o le paipa ma le eletise ae o mea fai foi a le aiga e pei o i o lo’o alu iai le tele o tupe a le tele o tagata

“Ma e tusa lava pe itiiti pe tau faasoasoa le tupe o le mea taulia o le iai o sina seleni aua manaoga o aiga

Ua maitauina e le tina ia Kirita le tele o suiga ma luitau o le olaga ua iai nei Samoa ma lona soifuaga

“Tele suiga pe a faatusa atu i aso ua mavae” o lana tala mai lea

“Ma e tau fai tigaina lava le tagata ia mo se manuia o lona aiga aemaise se lumanai manuia o aiga

“Tusa lava pe taugata o tupe lava mea uma aua a leai se tupe e le mafia ona gaioi le tele o mea fai i totonu o aiga

“Ma o tagata i lenei vaitau tusa lava po o lea le taugata e faia lava aua ua masani ai lava o tatou tagata

“O la’u galuega o lo’o faia o le fatu-aiga tausi ma atonu lava e iai se taimi o i luma e toe saili ai se galuega 

“Ae mo le taimi nei o le fesoasoani lava i le tama o le aiga i mea e ono moomia ai le tina i feau o le aiga.

FT
By Fetalai Tuilulu’u, 27 May 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?