Faigata aso uma

By Ilia L Likou 06 January 2018, 12:00AM

O le olaga faigata tele i le tau fa’asoa i aso uma o lo’o ua feagai nei ma Liutoto Taueva o Faleasi’u Uta.

Na maua le fa’atalatalanoaga ma le Fofoga o Samoa i le aso ananafi ma ia ta’ua ai lea tulaga.

“Ia o a’u e to’aono si a’u fanau ma o le itu mautinoa e tau fa’asoa lava ni tupe maua aua le tausiga o le aiga aemsie le fanau.

Na ia fa’ailoa o lo’o i ai sa latou fa’atoa’aga o la’au ‘aina .

“Ia e pei o lea lava le tulaga o lo’o ua i ai le taimi lenei, ma o se itu taua tele lea i lo’u iloa i ai o le to’a’aga pea e galulue.

“E mo le silafia o a’u e tusa ma le $150 le tupe e maua le vaiaso mo le fa’atauina atu o vaega nei ae a a i ai lava sina fa’asiliga ia o lea lava le tupe e maua.

“Ia ae ua ese la aso ma nei aso, ua tele lava foi ina tele mea e fa’atino e nai aiga aua le tausiga o aiga ma o se itu faigata tele lea.

“E le mau tupe uma foi tagata o le atunu’u o le aso ua lelei o le aso foi ia ua leai se tupe, ia e fa’apena lavale soifuaga o lo’o ua i ai nei.

“O le tilotilo atu ia i ai a le lelei le fa’asoa ia e tu i le pagatia le olaga e o’o i ai i lo’u iloa i ai.

“Ia  o le isi tulaga , ia e le na’o le tausiga o le aiga o lo’o feagai ai o lo’o avatu foi  e fai aim ea fai o le lotu aemiase o le nu’u.

“O lea lava le soifuaga ua masani ai nai o tatou tagata ma o lo’o ola ai pea i aso uma.

“Ae pei o a’u ia e ave lava le fa’amuamua i le tausia lelei lea o lo’u aiga, e va’ava’ai atu lava ini vaega e mafai ai lava ona maua se tupe i lea aso ma lea aso.

“E fa’afetai ona o lea e fai lava ma maua le fuata, ma e pei o vaega nei o lo’o ua fesosoani tele i nai o tatou tagata i lenei taimi.

“O le itu mautinoa e leai se mea e faigata pe a galulue punoua’i ma tu’u atoa ai le malosi.

By Ilia L Likou 06 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>