Fa’afetai lava i le Mata’aga le Taumeasina

By Fetalai Tuilulu’u 27 May 2017, 12:00AM

O le alofa o se tasi le o vaega taua e fa’alia i ni itu eseese ma o lea foi se lagona le aso ananafi i se tasi o aiga i Salelesi ina ua  ofaina atu ai se tane vai. 

Sa taua’ao atu e le taitai o le Taumeasina Nathan Bucknall se tane vai $3,000 le tau i le aiga o Timothy Poutoa i Salelesi. 

Sa ia taua ia lana fa’amatalaga i le Fofoga o Samoa o so’o se taimi lava e tetele ai timuga e iai lava le lagoga fa’anoanoa ona o le suavai. 

“Out e leiloa i nisi o aiga i nei, ae o si o matou aiga e iai lava lagona na a timu loa ma leaga le tau ua masalosalo loa ma mafatia i le vai. 

“Mo le silafia i le tetele o timuga ua mavae atu nei, e le mafai ona tatou iloa ma mautinoa po aafia le vai pe leai. 

Sa ia taua foi le le lelei o le vai e le’o fa’atoa tupu e tupu so’o lava. 

I le o’o atu o Nathan ma lana aufaigaluega e tauaao le tane vai i Salelesi na fa’ateia le aiga. 

“Ia o lenei le foa’i e le’o se foa’i tele e vatu si tou aiga, o lana lea tala. 

“Pei ona faitau le taimi ua sola, out e faifia lava e faitau le Fofoga o Samoa, ma o so’o se taimi lava ou te faitau ai le Fofoga o Samoa ou te fiafia lava e fesoasoani le mamalu le atunu’u ae maise o latou i lo’o mana’omia le fesoasaoni. 

“Pei foi le ali’i ia Timothy i le aunagi se vai mama lea ua ofaina atu ai lenei tane vai. 

Sa lei iai Timothy i lona fale le taimi na tauaao ai le tane vai peitai o lona tinā na tutulu ona o le meaalofa. 

“Ana iai lava se isi upu ese mai le fa’afetai ou te fa’iatu ai lava peitai e leai se isi upu. 

“E fa’afetai atu lava lenei samaria agalelei e tusa ai ma lenei meaalofa ma ua fa’ateia lava a’u nei ona o lenei meaalofa. 

“Fa’afetai tele atu lava le agalelei, ma fa’atutumu e le Atua mea ua fa’agaogao. 

“O lenei lalolagi e tau le maua ai nisi o tagata pei o oe le agalelei ma fa’afetai tele lava. 

By Fetalai Tuilulu’u 27 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>