E mana’omia lava le seleni

By Ulimasao Fata 12 November 2017, 12:00AM

E ui lava o lo’o si’omia i tatou e meaai, ae o lo’o mana’omia pea le itu tau seleni ona ua tupe uma mea uma.

O le saunoaga lea a le Tama ia Fina Sefo 43 le matua o le soifua mai le afioaga o Si’ufaga i le motu tele i Salafai.

Saunoa Sefo o le olaga lava i le motu ua le toe faigofie.

“O le olaga lea ua iai nei i Salafai nei ua faigata lava,” Sefo.

“Ua matua faigata lava le saili’ina o se galuega i Salafai ona e tau leai ni Kamupani e maua ai ni galuega ae ua laki foi o lea ou te faigaluega i Amoa i le taimi nei."

“O a’u ma la’u galuega o lo’o iai nei o lo’o tausia ai le matou aiga aemaise le fanau."

Saunoa foi le Tama ia Sefo o le latou ma’umaga ia ma le gataifale o lo’o fa’apena ona maua ai le meaai i aso uma.

“O le ma’umaga lava o lo’o maua ai fa’amanuiaga pe a le lava le seleni aua se taga araisa ma se falaoa mo le aiga."

“O le gataifale foi lea o lo’o fai ma aga’i atu iai aua se i’a mo le aiga pe a fa’apena ona le lava se seleni aua se aano manu fasi mo le aiga.”

Na ia saunoa foi i le mafua’aga o lona fia maua o se seleni.

“Ia e maua lava meaai ae mana’omia lava le seleni."

“E mana’omia foi galuega se tele ina ia maua mai ni tupe ona e le mafai ona totogi’ina e meaai i pili o le moli aemaise le suavai."

Na saunoa foi le Tama ia Sefo e le gata ai i lena, ae mana’omia foi le seleni i taimi o fa’alavelave a le aiga.

“E le mafai foi ona ave meaai i saogamea a le aiga i taimi o fa’alavelave.”

By Ulimasao Fata 12 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>