O le fiafia lava le mea taua

SS
By Sarafina Sanerivi, 29 December 2016

E ese’ese lava tagata ma tulaga e momo’o iai pe’a oo i aso fiafia ma aso fa’amanatu. 

O nisi e manana’o i meaalofa ma mea taugata. 

Ae mo le tama ia Tuki Feite e 41 tausaga mai le afioaga o Moamoa, na ia fa’aalia mai, o le fiafia lava le mea taulia mo ia. 

“O le mea sili lava lena mo a’u ia o le fiafia,” o lana fa’aaliga lea i le Fofoga o Samoa. 

“I le fa’amanatuina foi o lenei aso fiafia, o lo’o sologa manuia a mea uma. 

“Ae o lo’o feagai lava ma galuega e maua ai foi nai seleni e tausi ai aiga ma fesoasoani i mea e fai a aiga.”

Na ta’ua e Tuki, e leai lava ni fa’afitauli se tele na feagai ai ma lona aiga i lenei foi tausaga ua lamalama fa’ai’u. 

“E leai lava ni fa’afitauli se tele. 

“E moi lava e iai vevesi ma mea e tutupu, ae ua avea le fa’amanatuina o le fanau o Iesu ma ala ua fa’ate’a uma ai mea na tutupu. 

ADVERTISEMENT

“O lea foi ua tagataga’i atu iu le fa’amanatuina o le tausaga fou latou ia. 

“Mo le agai lava ia i luma, fa’afetai lava i le Atua ona o lana tausiga, a aulia atu foi ma le manuia lena tausaga, ia e fa’afoi lava le viiga i le Atua. 

“Ae mo le agai i luma, o lo’o iai lava le naunautaiga ina ia fa’aleleia le nofo lelei o aiga ma ia galulue pea ma le malosi ina ia fa’aeaina ma manuia aiga.

“O le isi tulaga, o lo’o naunau lava ina ia se suiga fou o le olaga. Ua tatau ona fa’aitiitia foi le tagofia o le ava malosi ia, ae fa’aaoga lelei ni tupe e maua e tausi ai aiga.”

Na ia ta’ua foi, ua iai lava suiga i le fa’amanatuina o aso fiafia i le vaitau lenei, e fa’atusatusa atu i aso ua mavae.

“O le tulaga foi i le fa’amanatuina o aso fiafia i lenei vaitau, ua sologa lelei lava mea uma. Leai lava ni vevesi na’o le fiafia lava. 

“O le mea aupito sili lena ona taua, o le maua uma e tatou o le manuia ma le fiafia. E mo’i foi lava ua va’aia le tele o suiga o le olaga i lenei foi vaitau i fa’amanatuina o aso fiafia pe a fa’atusatusa atu i aso ua mavae, ae fa’afetai i le Atua ona o lana puipuiga ia Samoa. 

“O le vaitau lenei i la’u ia maitau, ua tele lava ina fa’amanatu aso fiafia i le ava malosi. E oo lava i le tausaga lenei, aua o lea na pa’u i le aso Sa, ia e pei lava o isi aso Sa le Kerisimasi.

“Ae o le olaga i Samoa o lo’o sologa lelei lava mea uma.”

O Tuki o lo’o alala ai nei ma lona tama ma lona uso i Moamoa. O ia o se teufanua ma e ia te ia foi le taleni o le valiina o ie.

“I le taimi nei, o a’u o lo’o ou teu fanua nei, ma o lo’o iai foi nisi galuega e valu ma elei ia i le Rimani Samoa ma le Samoa Island Designs. E leai lava nisi o si o matou aiga. 

“E faigofie lava le tausiga o si o matou aiga.”

SS
By Sarafina Sanerivi, 29 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?