Tatau i matua ona fai ma fa’ataitaiga

DF
By Deidre Fanene, 27 February 2018

Ole olaga maloloina e amata mai i totonu o le aiga. Ma e tele lona fa’aaogaina pe a tu’uina i le mafaufau o le tagata mai le laititi ona e mafai ai ona avea ma olaga masani e ola ai.

O le Fa’atonu o le Polokalame o le One Touch Ministry, Lenny Solomona, sa ia saunoa le taua o le pito la’au a matua i totonu o le aiga.

I le fa’atalanoaga ma le Samoa Observer sa ia fa’aalia ai le pito la’au a matua e tatau ona fai o le tu’u lea i mafaufau o le fanau o le olaga maloloina o le ki lea e agai atu i se olaga umi ma soifua maloloina.

O Pastor lenny ma lana vaega e aofia ai Nobesity Samoa, o lo’o latou fa’atautaia se polokalame ina ia fa’amalamalama lauaitele ai a’afiaga o le ma’I suka, i le Aso To’ana’i a sau nei lea e latou te fa’amamafa ai le aoga o le soifua maloloina i Samoa.

Sa ia ta’ua ai le aoga o le avea lea o matua ma faataitaiga lelei i latou fanau.

“O mea uma lava e sau mai le taitaiga lelei,” o lana saunoaga lea.

“Aua o mea uma lava e fai e le taitai e fai foi e tagatga, o le lu’i foi lea mo matua.

“Afai tatou te faia ni faataitaiga lelei, ola ane foi tatou fanau e mulimulitai i nei faataitaiga lelei, ona o tatou o faatonu, o tatou, e tatou te taitaiina tatou aiga.

“Afai la tatou te le kea i mea’ai tatou te taumafaina e a’afia ai foi tatou fanau.”

Sa ia fa’aalia ua fenumiai i mafaufau o le fanau mea tatau ona fai ona o le tele o oloa fou lea ua aumai i maketi i lenei vaitau.

“E iai le vaitau lenei, ua taou le ave le apu i fanau, ae ua ave iai le lole e gaosi mai le apu, ma tatou fai ai e tutusa lava le ai i le apu ma le lole lea e gaosi mai i le apu.

“Ae latou te leiloa o lea ua latou ave le apu, ua faaopoopo iai ma isi mau mea, faaopoopo ai ma le suka ma o lea ua na o 0.5 percent o le apu lea ua i totonu o le lole, ma e leo taumafa e tamaiti le apu o le suka lea ua tatou fafagaina ai tatou fanau.”

Sa fa’ailoa mai e Pastor Lenny e ui e eseese faalapotopotoga ia e galulue faatasi ae e tasi lava le faamoemoe o loo iai o le suia lea o mafaufau o le fanau mai mea ua masani ai ina ia avea ma mafaufau e nao le soifua maloloina lava e tatau ona iai.

ADVERTISEMENT

“Ina ua amatalia lenei polokalame sa matou tilotilo i tagata e 13 tausaga ma luga atu, ae o le vaega a le Nobeisty, sa matou mananao e faia ni polokalame e aofia ai le fanau itu fa’aopoopo ai ma le upu a le Tusi Paia, a’oa’o le tama e tusa ma ona ala aua a matua e le toe tea ese ai lava.

“O lea matou te mata’ituina aiga mo le matou polokalame, ma o le itu e lelei ai ona olea e o le fanau ma ta’u atu i matua le aoga o lenei polokalame ma le tulaga o meaai e tatau ona latou aai ai.

“O lea matou te taumafai e fai aoga i kuata uma lava ona a fai polokalame e atoa le aso o fa’atautaia polokalame ma fai toleniga ma a’oa’oga a le fanau, aemaise ai o faiaoga ina ia latou iloa itu uma e a’oa’oina ai le fanau.

“Ou te iloa o se tasi o aga sa fa’apea ona fa’amanuiaina mai lenei polokalame o le Samoa Primary School.

“O le aoga lona lua lea ua mafai ona matou asiasi ai i le tausag e 2015, ina ua matou asiasi atu e iai le latou faleoloa ma o loo faatauina ai apainu, ma isi vaiinu faaoso malosi ae o vai inu nei e sili ona leaga.

“E o’o i snacks sa faatauina ai e oo i tagata I fafo mai o le lotoa a le aoga sa faatauina a latou meaai e le talafeagai ma le taumafa a le fanau aoga.

“O le masina na tea nei sa matou logo tala ai ua sui e le aoga meaai e faatauina i le latou faleoloa.

“Talosia ae faataitai ai ma isi aoga o lo’o faia pea lea tu ma aga o le faatauina o meaai e le soifua maloloina i latou faleoloa ma talosia ae sau se aso e faasaina ai e le malo ona toe faatau i fanau meaai e le soifua maloloina.

“Sa ia faalia o aoaoga o loo latou faia, e faailoa ai i le fanau meaai e lelei ma leaga mo latou.”

Sa ia faailoa mai foi le pitolaau a le malo o loo fai ina ia faalauaitele ai le malamalama i le olaga soifua maloloina.

“O loo tilotilo ina ia ave se fautuaga mo le malo ina ia toe silasila toto’a i meaai o loo faatauina I fanau aoga i totonu o le lotoa a aoga.

“I le taimi nei e tatau ona faia pea lapataiga nei mo aoga, ma momoli atu i le kapeneta le aoga o lenei polokalame.

‘E taua le amata atu i le taimi nei a’o laiti, ae i le taimi lava e tasi ou te iloa ona ua masani le au matutua i le faia o mea sese ma masani i nei meaai taumafa ua faigata ai ona toe suia le olaga e tatau ona ola ai.”

O le polokalame i le Aso To’ana’i e aofia ai se savali mo le soifua maloloina mo le tasi le itula amata i le 7:40 i le taeao mai le Ofisa o Turisi e oo atu i le Seafood Gourmet Bar & Grill ma toe foi mai ma le 20 minute e faia ai ni fgaamasloitino.

O lenei polokalame eamatalia i le 6:30 i le taeao.

DF
By Deidre Fanene, 27 February 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?