Taugata le soifuaga

UF
By Ulimasao Fata, 05 January 2018

O lea le fa’afitauli moni lava o lo’o feagai nei ma le mamalu o le atunu’u - o le soifuaga ua matua taugata lava.

O le saunoaga lea o le tinā i a  Heta Pani, 49, le matua o lona soifua mai le afioaga o Nu’u-Fou.

Na saunoa Heta Pani ua matua taugata lava le tau o le soifuaga ua iai nei i Samoa.

“O le tau o le soifuaga ua iai nei i Samoa ua matua taugata lava toe faigata i aiga pei o le matou aiga.

“E na’o le to’atasi lava le tagata faigaluega o lo matou aiga ae ua na’o si a’u atali’i o lo’o iai nei.

“O lo’o ia faigaluega nei i se tasi o kamupani Fau fale a le au Saina o lo’o iai nei i Samoa, ma o le auala lea o lo’o maua ai le seleni i lo matou aiga.”

Na aaunoa Heta Pani i le faigata ai o le olaga ona o le le lava o le fa’asoa i le totogi a si ona atali’i.

ADVERTISEMENT

“E na’o le $200 le tupe maua a si o’u atali’i o lo’o maua mai i lana galuega o lo’o iaia nei, ae o lo’o fa’aaogaina mo le totogi’ina o le eletise, o le suavai, aemaise matou meaai.

“A ova la le fa’aaoga i le itu tau meaai, ua mautinoa lava o le a kipi le paipa poo le eletise ona ua le lava le fa’asoa a lenei aiga.”

Na ia ta’ua foi le fesoasoani o lo’o maua mai i la latou ekalesia.

“O lo matou lotu e leai ni matou saogamea e tausi ai le matou ekalesia, ma e leai foi ni matou saogamea mo meaai aemaise seleni.

“E leai ni matou tupe e aoa po’o le a lava se mafua’aga, e fa’amuamua e lo matou ekalesia matou aiga i mea fai uma.”

Na saunoa foi Heta i la la’ua foi pitolaau ma le tamā o le aiga o lo’o iai i le tausiga o lo latou aiga.

“O maua ma si o’u to’alua o lo’o fai la ma togalaau aina i tafatafa ane o lo matou fale ma o lo’o to to ai kukama, kapisi, ma le tele o fuala’au ‘aina.

“O le lesona lava na aumai ina ua le gafatia e le tupe maua mai galuega a le atali’i lea ua mafua ai ona galue i le to toina lea ma le faatau atu o fualaau aina, aua le tausia ina lea o le aiga.

“O lea la ua fa’atauina atu ma fualaau aina i le atunu’u ma o se tupe maua lelei foi lea mo a’u aemaise le tausiga o le matou aiga.”

UF
By Ulimasao Fata, 05 January 2018

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?