Galue mo Ekalesia

UF
By Ulimasao Fata, 15 October 2017

O le talitonuga o le tinā i a Mele Saulo o le fa’aaogaina lelei o avanoa o se itu taua tele lea i lona silafia.

E maua le fa’atalatalanoaga ma Mele o lo’o aga’i i se tasi o polokamalame a se tasi o vaega aua lava le atina’eina o aiga aemaise o nai tinā nofo fale.

“Ia o le olaga lava lea o lo’o ua i ai nei, o le taumafai lava ia mafai ona atina’eina aiga, aua lava le lelei alu i luma o vaega uma e fai.

‘O lea fo’i la ua i ai nai polokalame nei, ia e leai lava se isi itu e pito sili ona taua nai lo le fa’alauteleina o le soifua mo fa’atinoga nei.

“E pei o le ala fo’i lea o le mafai ona o’o mai ai e alu e auai ia e aoga tele lava vaega nei, mo le silafia e i matou nei.

ADVERTISEMENT

“Ua taugata nei vaitau, aemaise ai o le tausaili o i latou mo le teuina o le malumalu o le Atua aemaise ai le tulaga lea mo le  fa’atinoina o so’o se vaega aua lava aiga.

Na ia ta’ua o le olaga galue lava ia i totonu o aiga ma lona tausiaina ua loa tausaga o fa’atino.

“Ia e pei o lea lava le tulaga mana’omia o lo’o i ai le taimi lenei, o le itu taua e ao ona silafia ia a le tago e fa’ata’ita’i e leiloa lava fai se mea.

“O le aoga pito sili ona taua lava i a te a’u ia, ia o le a fesoasoani tele mo i matou i ikia ese’ese aua lava le teuina o le malumalu o le Atua.

“O se itu taua tele lava lea, ia o tatou fa’aa’oa’o lava i mea lelei uma, aua o lea lava le tulaga e ao ona silafia i ai.

“O le a le taleni ma agava’a ua mafai ona maua ia o le fa’aaoga tatau lava ia ma tatalo i le Atua i nisi o avanoa le auamaua aua lava le aga’i atu ai le lumana’i.

“Ae o le itu e pito sili ona taua o le taumafai lava ina ia umi le ola ma le soifua, ia ma ofoina o tatou ola atoatoa e galulue ai i tofi ma vala’auina i totonu o ekalesia.

UF
By Ulimasao Fata, 15 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?