Mo’omia le kegi ua ta’ua, o le oti po’o le ola (opo)

PM
By Pai Mulitalo Ale, 01 August 2016

O lo’o galulue so’oso’o-tau’au nei le Matagaluega o Leoleo ma afio’aga o Lepea, Vaimoso, Apia, Taufusi ma isi nu’u e tulalata i le taulaga.

O le fa’amoemoe ‘autu, o le fia sa’ilia lea po’o ai tonu sui o se kegi A tupulaga talavou lea ua amata ona fa’ato’ateleina ma fa’atupu fa’alavelave nei i totonu o le taulaga. 

O le isi mafuaga o lo latou ‘aumaia o afio’aga nei, ina ia mautinoa ai le tu’uina sa’o atu o tupulaga o nu’u nei, e fai iai se fa’atatau a o latou aiga, ae maise le fono a ali’i ma faipule o afio’aga.

O le kegi lea ua fa’aigoaina o le OPO, le fa’apu’upu’u o le Ola po’o le Oti.

O lea fa’aaliga na fa’alauiloaina e le So’o’upu a le Matagaluega o Leoleo, o Maotaoali’i Kaioneta Kitiona i le fonotaga ma tusitala ma le vaega fa’asalalau i le vaiaso talu ai.

Na ta’ua, o le kegi lea, ua tula’i mai ai se popolega tele i le mamalu o le atunu’u.

E le gata i lea, e talitonu Maotaoali’i, o le OPO, e le na o le pau lea o se kegi o tupulaga talavou  o lo’o i totonu o Samoa. 

ADVERTISEMENT

Na mafai ona iloa e Leoleo le iai o kegi nei ona o le tele o fa’alavelave na tula’i mai i totonu o le taulaga e aofia ai tau’aigama’a.   

Maotaoalii said police are working day and night to ensure the safety of Samoa and  

are urging members of the public to help with any information. 

Na fa’aalia, o le kegi lea o le OPO, o lo’o iai tupulaga o tamaiti-a’o’oga ua le o toe o ini a’oga, o tamaiti ua iloa le fa’atupu-fa’alavelave na a’afia i misa a a’oga sa faia muamua.

O tamaiti nei e laiti tele, o le to’atele e 18 tausaga ma lalo ifo le matutua, e iloga gofie i o latou lavalava lanu-mumu ma faufautu po’o ‘ie-mumu e fusi ai ulu po’o lima.

Ua silafia e le Matagaluega, e ta’itasi i le vaiaso ona fono o le kegi lea e talanoa ai nofoaga e alu iai osofa’iga.

“Na fa’ailoa mai i leoleo, e iai lava le nofoaga fa’apitoa e fono ai tupulaga nei ma o lo’o taumafai malosi e sa’ili tonu po’o fea e fa’amautu iai,” o le fa’aaliga lea a Maotaoali’i. 

Lea ua amata se fa’atinoga fou a le Matagaluega e ta’ua o le “Taulaga Saogalemu”, e fa’amautuina ai le sa’oloto mai o Samoa i ituaiga amioga ia ma o le a galulue Leoleo i so’o se ‘auala e gafatia ina ia mautinoa ai le taofia o faiga-kegi ia a’o le’i o’o atu lava i se tulaga faigata atu. 

“’Ou te tatalo atu fo’i i matua uma, ina ia silasila toto’a ane i a latou fanau-tama ma ia malamalama fo’i i le fa’afitauli lea ua tula’i mai, aua o le mea moni lava, e le toe tu’ua lava e Leoleo o se avanoa i se 

tasi, pe a maua.” 

PM
By Pai Mulitalo Ale, 01 August 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?