Tulaga Faigata ua iai le olaga

UF
By Ulimasao Fata, 06 December 2017

O le olaga lenei, e le’o na’o le moe ma fa’atalitali I vavega e tutupu.

O le saunoaga lea ma le talitonuga lea i le taule’ale’a ia Samoa Pelasia, 43, le matua o lona soifua mai le afioaga o Leauva’a-uta.

Na maua lana avanoa e talatalanoa ai foi I le Fofoga o Samoa a’o ia aga’i atu I lana ma’umaga I le aoauli ananafi mo lana galuega.

Na ia saunoa o le olaga ua iai nei ua le’o toe faigofie.

“O le olaga lea ua tatou iai nei ua le’o toe tutusa ma ma la aso I le tau o mea ua iai nei aemaise ai le tupe maua aua le tausiaina o aiga.

ADVERTISEMENT

“O le isi vaega ua matua faigata ai lava le olaga I lenei vaitau ona o le utiuti o le seleni ua maua mai galuega fa’atusa atu I le tau ua iaia nei le soifuaga.

Na saunoa ai le taule’ale’a ia Samoa pelasia o lana galuega fai I lana aiga o le tautuaina lea I le ma’umaga.

“E matua fa’a lagolago tele le matou aiga I le matou ma’umaga I aso uma lava I meaai aemaise o nai seleni pe a fa’atau atu nai fua o fa’aele’eleaga.

“E el’o iai sau galuega I le taimi nei vagana ai lenei galuega o le fai ma’umaga o lo’o tausia ai le matou aiga e le gata I meaai aemaise o se seleni o lo’o maua mai ai.”

Na ia saunoa foi o lenei vaitau ma le olaga lea ua tatou iai nei ua le’o teo aoga se fa’ama’imau taimi I lenei taimi.

“Ole olaga lava ia ua matua faigata ia ae ua tatau foi ona tatou galulue malosi aua le galueina o tatou ma’umaga aua le tausiga o aiga I lea aso ma lea aso aemaise fa’alavelave I aso uma.

“O lo’o fa’apena lava ona tele o tatou fanua o lo’o iai na aumai e tatou galulue ai, ma o se tasi foi lea o itu o lo’o manaia ai Samoa nai lo isi atunuu.

“Ia tatou galulue malosi ma fa’amoemoe I le Ali’i aua o ia o le ta’iala mo tatou, I lenei vaitau I le faigata tele o le olaga.”

UF
By Ulimasao Fata, 06 December 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?