Sailia e le Ofisa o le Loia Sili a le Malo se tolopoina e le mautinoa le umi o le taimi

By Lanuola Tusani Tupufia 24 August 2016, 12:00AM

O se tagi a se sui o le atunuu o Suitupe Misa e faasaga i le Komesina o Leoleo o Fuiavailili Egona Keil ma isi e ono toe faatuai teisi faatasi ai ma taualumaga faale-tulafono e faasaga i le Komesina-lea o loo i luma  o le Faamasinoga i le taimi nei. E soso’o lenei tagi ma se talosaga mai se loia o le Ofisa o le Loia Sili a le Malo, o Sefo Junior Ainu’ū, ina ia tolopo lea mataupu e aunoa ma le tuuina atu i ai o se aso. Na faailoa atu e Mr. Ainu’ū i le Faamasinoga o loo i ai isi moliaga tau solitulafono e faasaga i le Komesina o Leoleo-ia e tatau ona aafia ai. 

“O lo matou manatu o lea tulaga e afaina ai taualumaga tau solitulafono. Matou te talosagaina le faamae’aina muamua o taualumaga tau solitulafono a’o lumana’i ai lo tatou iloiloina o le mataupu tau tagata lautele, o lana faaaliga lea..Ae peitai-sa teena e le loia a Misa o Seuamuli Sarona Ponifasio. Fai mai le Tamaitai o upu “saine die”o lona uiga o le a tele foi taimi e tolopo ai taualumaga a lana paaga lea na faauluina lea tagi le ogatotonu o Iuni.  

 “Afai o le o lo latou tulaga lea-ua tatau la ona latou faia se (talosaga “tusitusia) ina ia mafai ona matou tali atu i ai.” o le faaaliga lea a le tamaitai.  “E tusa ai ma lo matou tulaga-e tatgau i le Loia Sili a le Malo ona faamaonia e faapea o loo i ai se tulaga faigata ona o le a avea lea mataupu ma mea e afaina ai taualumaga tau solitulafono na faaulu e faasaga i le Komesina….latou te le’i faamaonia mai lea tulaga ma e foliga mai latou te le o malamalama i auiliiliga o le moliaga.” 

Sa faamanatu e le Faamasino Sili, Lana Afioga Patu Tiava’asu’e Falefatu Sapolu e faapea o taualumaga lautele e masani lava ona mulimuli i taualumaga tau soliga-tulafono. “Afai e mana’o le itu tete’e e tolo le mataupu mo se taimi e la mautinoa-e tatau la ona ‘ou taliaina maua a loia faufautua e uiga i le talosaga,” o lana faaaliga lea.

Ua toe tolopo lea mataupu i le Aso Gafua 5 o Setema mo le itu tete’e ina ia faaulu ma tuuina atu se talosaga tusitusia e lagolago ai le latou talosaga fai-fofoga.” 

O loo molia e Mr. Misa le Minisita o Leoleo, o Sala Fata Pinati; le itu tete’e lona lua o le Komesina o Leoleo o Fuiavailili Egon Keil ma le Matagaluega o Leoleo e avea ma itu tete’e lona tolu mo le $1miliona tala. 

O le Komesina o Leoleo na molia i le vaiaso talu ai e tusa ai ma le saisai i se faiga sese o Mr. Misa i le tausaga talu ai. O loo molia Fuiavailili i le taofia e le tusa ai ma le tulafono, faiga sese, tuuina atu o se lipoti pepelo ma se amilo e le talafeagai ai i totonu o se nofoaga faitele. Ua fuafua e tulai o ia i luma o le Faamasinoga Sili i le aso 29 o Aokuso 2016.

-AP

By Lanuola Tusani Tupufia 24 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>