Galue malosi le tama e fesoasoani le fanau

FT
By Fetalai Tuilulu’u, 26 April 2017

E tofu lava le tagata ia ma lana galuega po lana matafaioi na foai mai le Ali’i. 

Ae o le itu lenei tusa lava po le a le faigata po le a lava le tuaiga galuega ete faia, e ao lava ona aua le fiu gofie ae taumafai aua lava se ai mo aiga ae maise fanau. 

O lea le manatu o le tamā ia Anitele’a Tyrell, 57 tausaga le matua le soifua o Faleula. 

I le vevela le lā le aso ananafi sa maua ai le fa’atalatalanoaga ma le tamā a’o fai lana galuega i autafa le auala. I le fa’atalatalanoaga ma le Fofoga o Samoa o le talitonuga o le tamā o le tele o tagata e le’o fa’aoga tatau taleni ma le fa’aoga tatau le taimi. 

“E eseese lava tagata ia ma o latou uiga ae maise o latou taleni. O lana lea tala i le Fofoga o Samoa. 

“E eseese uma lava tatou fa’anaunauga i lenei olaga ae tasi lava le fautuaga i le galue malosi ma fa’aoga tatau ia vaega. 

O Anitele’a e faigaluega i se tasi o kamupani i Moamoa ma o lo’o faigaluega e fesoasoani i lana fanau faigaluega i tulaga uma si ona aiga. 

“E tasi lava le vaega ou te naunau ai lava ou te faigaluega, o le fesoasoan lea si a’u fanau aua lava mea fai si o matou aiga. 

“Ia o aso uma lava ou la’u matafaioi lava o le fai le meaai ae le’i alu ese atu e faigaluega. 

ADVERTISEMENT

“Ou te faigaluega e fa’amama se tasi o kamupani i Moamoa ma e na’o le tolu foi o’u aso faigaluega. 

“O le totogi le aso e $50 o le tupe foi lea e ave e fesaosoani le fanau i mea fai ma le fa’atupeina o mea uma. 

Sa fa’ailoa mai foi e le tamā le tulaga tau olaga. 

“I totonu lava ia o Samoa, e ao lava ona fa’amalosia le galulue fa’atasi o tagata uma ona o le taugata lava o le soifuaga. 

“E ao lava ona saili tupe fa’atasi le aiga ona mama ai le ao le avega e amo. 

“I Samoa lava ia, a leai se galuega o lou lava ia galue fai o le tausi o aiga ma toto sina maumaga. 

“Amuia tatou o lo’o iai fanua ma eleele e galulue ai aua lava meaai mo aiga. 

Sa taua foi e Anitele’a ese mai lana galuega, e fesoasoani tele lava i feau le fale ma tulaga fa’apena. 

“Ese mai le galuega ou te faia foi le fatu aiga tausi. 

“Ou te iloa foi e le tatau ona ou toe faigaluega aua o lo’o faigaluega le fanau, ae peitai o lo’u lava ia naunau taiga ina ia ou fesoasoania atu i latou mea e fai. 

“O le galuega foi e mafai ona maua ai se fa’amalosi tino ma aua ai le maua i ma’i. 

“Ma le mulimuli ou te fiafia lava iai, o le maua o le fesoasoani i le fanau i galuega fita o lo’o fai i aso uma.

FT
By Fetalai Tuilulu’u, 26 April 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?