Mana’omia se suavai mama

By Fetalai Tuilulu’u 28 March 2017, 12:00AM

O le olaga i totonu o se nu’u o se mea e faigata, o le manatu lea sa ta’ua i le Fofoga o Samoa, e Fatulau Fa’amasino, 57 le matua o lona soifua mai le nu’u o Luatuanu’u. 

“E ova atu ma le sefulu tagata e  nonofo i le aiga nei, e pei o se itu na e faafaigata ia matou,” sa ia fa’apea mai.

“E to’atolu si a’u fanau tama e fai faiva aua le su’eina o se i’a mo meaai a lenei aiga. E fa’atauina atu fo’i a latou i’a i Apia aua se tupe maua. 

“Ia e leai sesi e faigaluega le matou aiga,” sa ia fa’apea mai. “O le matou alagatupe lea e maua mai faiva a la’u fanau.”

E le gata e mana’omia e Fatulau se fesoasoani i le itu tau tupe mo lona aiga, ae o lo’o mana’omia fo’i le tupe mo le fa’aaogaina o le fanau. 

“E to’alima tamaiti ia e tau atia’e atu aoga, ae e le’o se itu faigofie fo’i lena mataupu. Ou te mana’o ia lelei aoga a nei tamaiti.”

 “Pei o le tele a o tupe ia matou te maua e alu uma i le tausiga o le aiga, o le fa’atauga o mea’ai ae e tatau fo’i ona fa’atupeina le o o tamaiti i le a’oga. E le’o se mea faigofie. 

O se manatua fa’aalia o Fatulau, e le taugofie pili aoga ma o se mafuaaga fo’i lena o lo’o mafatia ai i le taumafai i le tausiga o le aiga. 

Sa ta’ua e Fatulau i le Fofoga o Samoa, e mana’omia fo’i e lona aiga se vai mama ma se tane vai aua e le’o maua e latou se vai mama ma e leai fo’i se mea e sefe ai latou vai. 

“E leai se matou tane vai, ae o le matou vai, e tele lava ona palapala, e manao’mia a le fa’amama i taimi uma aua a le mama le vai e te inu ai, e te ma’i,” o lana tala lea. 

 “O le vai fo’i ia o se fa’afitauli lea o lo’o feagai ai le nu’u atoa. 

“O le tele o nei mea e le maua e le matou aiga, a’o mea uma nei e feola ai tagata; o le vai. O se fa’aletonu tele lea mo Samoa. 

“Ae ou te ta’utino atu a, o lo’o matou tauivi pea i le faigata o lenei olaga.”

 “Aua o lo’o ou tatalo pea mo se lelei o lo’u aiga aemaise le nu’u atoa. Matou te ‘autasi i lenei mataupu. 

Samoa, a e fia foa’i mo Fatulau ma lona aiga, o le numera lenei e maua ai o ia; 7627591.

By Fetalai Tuilulu’u 28 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>