Galulue fa’atasi

UF
By Ulimasao Fata, 15 October 2017

O le talitonuga o le tamā i a Kolio Nu’uali’itia o le to’aga lava e faigaluega e mafai ai ona fesoasoani tele ai le tau o le soifuaga o lo’o ua i ai nei.

“Ia o a’u e to’afa si a’u fanau ma e to’alua ua faigaluega ae pei o lea lava le olaga ua masani ai e le fia nofonofo le fale."

“Na fai la’u tala i la’u fanau, aua ua manana’o e aua ne’i o’u toe faigaluega, ou te  le toe faigaluega loa o’u ma’i."

“O lea lava e maua le malosi a nofo fo’i le fale na o le tele o le mau mafaufauga a  ua le sau e fa’aalu tatau le malosi."

Na ia fa’ailoa i le Fofoga o Samoa o le agaga maualuga lava i a te ia ia mafai ona maua le malosi e fa’aauaau ai pea feau ma galuega.

ADVERTISEMENT

"E pei o lea lava le tulaga o lo’o ua i ai le taimi lenei, e lelei lava le maua mai o le  matua  o le soifua ae lae maua le malosi i galuega."

“Ua o tatou iloa uma lava le taugata o le soifuaga o lo’o ua i ai nei, ae pei o lea lava le tali o letaumafai lava lea ina ia galulue fa’atasi aua le aga’i ai o le aiga i se tulaga lelei."

O lona finagalo o le manuia lava o aiga o le galulue fa’atasi mo le lelei alu i luma.

"E pei o lo’u ia lea taofi, a galulue uma ia e masalo o le a tele se fa’amama avega i nai o tatou aiga, aua e pei ona ou fa’ailoa atu le taimi muamua ua le toe faigofie nei aso."

"O tau o oloa ua fai lava si taugata, ma ua to’atele i latou ua tau le gafatia le tau o le soifuaga, ae pei o nai galuega o maua ia o lea ua fesoasoani tele i lenei vaitau o le taugata o le soifuaga."

"O lo’u iloa i ai, ia taumafai lava e fa’apea ona manuia ai taumafaiga uma."

“Ua faigata lava nei aso."

UF
By Ulimasao Fata, 15 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?