Maualuga tele tau o Oloa

UF
By Ulimasao Fata, 03 October 2017

O Fale Titiuaini o se Tama mai le afioaga o Faleasi’u.

Na feiloa’i atu le Fofoga o Samoa ma le Tama ia Fale Titiuaini a’o ia aga’i atu I lana galuega I lana ma’umaga I le aso ananafi, ma ia taua ai o lana lava lea masani I aso uma.

“Ou te usu mai lava I la’u ma’umaga I aso uma, a le’o o se meaai mo le matou aiga ia pe ou te sau foi e tapena atu ni popo aua le fafagaina o a’u meatuaolo”.

Atonu e leai se faafitauli tele o feagai ai ma si o matou aiga, o lo’o faapena ona lelei pea le auaunaga o le suavai aemaise le eletise o lo’o iai nei I totonu o aiga”.

Na taua foi e le Tama ia Fale Titiuaini o le toatele lava o lana fanua ua faapena ona aumai I Niu Sila ae toe lava o ia ma le faletua ma le la tama e toataso o lo’o iinei.

ADVERTISEMENT

“O le toatele lava o la’u fanau ua i Niu Sila uma lava I latou, ae taotasi lava o l’o iinei ia maua ma le Tina o le aiga ma o lo’o aoga o ia I le Kolisi i Leulumoega Fou.

“Na ou taumafai lava ia o le fanau I atunuu e mamao ona e talitonu lo’u nei tagata o lo’o tele avanoa o lo’o iai I la atunuu ina ia manuia ma aoga mai ia maua ma le tina o le aiga o lo’o fa’amuli atu iinei”.

O Fale Titiuaini o loo nonofo ma le faletua I gatai I le aai, ae faapena lava ona usu a’e I taeao uma aua ana galuega feagai ai I le ma’umaga.

Na fa’aalia e le Tama ia Fale Titiuaini e na’o le tasi lava la le faafitauli lea ua ia maitauina nei I si o tatou atunuu.

“O le tulaga lea I le si’itia lea o tau o oloa I totonu o faleoloa ma le taugata lea ua iai nei le soifuaga I totnu o Samoa”.

“Ua matua faamalieina uma I le maualuga ua iai nei le atunuu ae peitai o le tau o taga araisa ma taga suka ma isi lava oloa ua matua taugata lava faatusa atu I la aso”.

“Ua o’o lava I fualaau aina aemaise le tele o isi oloa I Samoa nei ua matuai taugata lava ma ua le gafatia e le tele o aiga I totonu o Samoa”.

“Oute talitonu o se tulaga faigata lea ua feagai nei ma le atunuu atoa”.

UF
By Ulimasao Fata, 03 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?