Maua le fesoasoani

IL
By Ilia L. Likou, 18 September 2017

O le agaga fa’afetai na fa’ailoa e le tinā i a Meki Taliilagi o Fasito’o-Uta ina ua mafai ona maua e ia se galuega mo le tausiaina aemaise o le lumana’i o lona aiga.

O lea fesoasoani ua auala mai lea i se galuega ua ia mauaina.

O lea galuega na afua  mai ina ua ia talosagaina i se tasi o tusitusiga o le Fofoga o Samoa e fa’apea o lo’o ia fia maua se fesoasoani tau i galuega mo lona aiga aemaise le fanau.

“Ia e le tele ni upu e fa’amatala ai le agaga fa’afetai ona ua mafai ona ofoina mai e le tinā i a Gaualofa Va’ai Papu o Vaivase Tai lenei galuega.

“E pei ona silafia ai letaimi muamua, ia sa taumafai ai lava ina ia mafai ona maua se avanoa mo le polokalame e fa’aleoina ai le manaoga a lo’u nei tagata fa’atauva’a ae fa’afetai i le Atua.

ADVERTISEMENT

“O lea ua auala mai la outou pepa se ala ina ia mafai ona maua  ai se galuega aua le tausiaina o si a’u fanau aemaise ole aiga.

Na ia fa’ailoa o le galuega ua maua ua avea lea ma se fiafiaga sili i totonu o le aiga.

“Ia ua tatou tau fai ioe le faigata o le soifuaga o lo’o ua i ai nei, ona o le tele o le maualuga o le tau o oloa o lo’o ua i ai nei.

“Ae fa’afetai o lea ua maua le galuega mo le va’aia o le tinā lea ua mafai ona maua ai le $200 i le vaiaso, o ai ea na manatu o le a mafai ona maua se galuega fa’apea i se taimi vave.

“Ae e pei ona ou fa’ailoa atu, ia o le agaga fa’afetai lena ua i a te a’u le taimi lenei, e pei lava ona masani ai pea ova le fiafia , ia ua oge tala….

Na ia fa’ailoa o se popolega tele i a te ia  o le tau fa’asoasoa lea i aso uma.

“Ia ae fa’afetai o lea ua mafai ona maua mai lenei fa’amama avega, o le agaga fiafia tele lea i a te a’u, ma e ao lava ai ona  fa’afetai le alofa o le Atua.

‘O le a le galuega, ia o le a tu’u uma ai le malosi ma le atoatoa ma lona atoatoa ia o le mea sili ona taua o le fa’amoemoe i le Atua e manuia ai taumafaiga uma.

IL
By Ilia L. Likou, 18 September 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?