Taunu’u i Samoa le Ali’i-fusu Amerika – Jason Bergman –

18 January 2016

Ripotia e Maddison Clarey

Fa’aliliu e Maiava

 

O le aoauli ananafi na fa’afeiloa’ia ai e Samoa le ali’i-fusu Amerika o Jason Bergman, ina ua tu-lau’ele’ele i laufanua o le atunu’u mo le ulua’i taimi, e sauniuni ai mo le Fusu’aga Tele i Paraitaiso nei, e fetaui ai ma Lupesoli’ai La’auli Joseph Parker, i le po o le Aso To’ona a-sau nei. 

E ui fo’i i lona leoleoa i ‘Aukilani i Niu Sila, ae na fa’ale-pisa lava si ali’i o Jason ina ua taunu’u i le Malae Va’alele i Faleolo ananafi.

Ae atonu o lo’o manatu le ali’i-Amerika, o lona fusu i le itu-agavale o le a ono manuia ai lana fusu’aga lea na fa’apea ai, e leai se mea e popole ai pe o’o i le maea mo le fa’amoemoe. 

 “E iai lava le mea e sili mamao ai ma lelei le agavale, ae maise lava pe a e iloa lelei fa’aaoga, ae moni, e tele atu o’u avanoa lelei ona o le tulaga lena. E leai se mea ‘ou te ono popole ai,” o le fa’aaliga lea a Jason Bergman i le Samoa Observer ina ua taunu’u mai.

ADVERTISEMENT

Peita’i, o le fusu’aga lea i Samoa nei, e foliga e lelei mo Lupesoli’ai ae mo le Ali’i Amerika, e le o matua mautinoa pe fa’apei ona feagai ma le vevela o iai nei Samoa. 

O le malaga-‘ese mai mo se fusu’aga i le atunu’u o le o le lua fusu, e le o se tulaga faigofie, peita’i o lo’o mafanafana lava Jason, ona ua lelei-tapena ana koleni ma fuafuaga sa ulua’i faia i lona atunu’u, ma le-toe popole ai i le faia o le fusu’aga i le atunu’u o Lupesoli’ai.

 “O lo a ‘au-fa’atasi uma ma lona atunu’u atoa, ma o se tulaga faigata lea mo a’u ae o lo’o lelei lava la’u fa’alogo i le taimi nei, ioe, ua ‘ou sauna mo le fusu’aga, sa ma koleni fa’atasi ma le siamupini o le lalolagi, Deontay Wilder, ma ua lava a’u tepnaga,” o lana talanoa mai lea. 

O lo’o talitonu Jason, o ia le paga aupito faigata a Lupesoli’ai talu ona fusu, ma e le o fa’ataga-sau fo’i, o lo’o mautu lava ma talitonu e manuia lana fusu’aga.

Na se’e-‘ese talanoaga aga’i i le fusu’aga ae na ta’ua e Jason, ua fiafia lava ua o’o mai i Samoa mo le ulua’i taimi ma ua fa’amoemoe e asiasi fa’asolosolo i itu uma o le atunu’u pe a mae’a le fa’amoemoe i lenei vaiaso.

O lo’o tulaga 78 i fa’atulagana a le Lalolagi (World Boxing Organisation), i ona manumalo e 25 lima, 11 faia’ina ma le 42 pasene o ona manumalo i le tu’i-oti.

E tasi le tama-fusu ua mae’a ona fetaui ma la’ua uma nei, o le Tama Ausetalia o Bowie Tupou.

I le la fusu’aga i le 2007, na faia’ina ai Jason ia Tupou, ina ua taofia le fusu’aga i le ta’amilosaga lona lua.

A’o le fetauiga a Bowie ma Lupesoli’ai i le amata o le tausaga talu ai, na oti ai le tama-Tonga i le tama-Samoa i le ta’amilosaga muamua, lea e foliga e tau-ta’u mai ai, le i’uga e o’o iai le fusu’aga o le a faia nei.

Ui lava i lea, a o le tulaga o lona fusu i le agavale, atonu o le a tau-fa’afaigata teisi ai lea fusu’aga mo Parker ma lana Vaega ma tulaga mai ai o se fusu’aga o le a mata’ina o le a iai i le Aso 23. 

18 January 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?