E fia avea a’u ma uelo i le lumana’i

VM
By Vatapuia Maiava, 25 December 2016

“E fia avea a’u ma uelo i le lumana’i.” Ronnie Paul, 17 tausaga o Samatau ma Vaitele.

O le i ai o le atunu’u i lenei vaitau o le Kirisimasi ma le Tausaga Fou o se tasi o fa’amoemoega tele o lo’o i ai letaimi lenei o le mafai ai lea ona maua e fanau o le avanoa e fai malologa mai ai i a’oa’oga o lenei tausaga.

“Ia i a te a’u ia o lea le manaoga o lo’o i a te a’u pe a uma a’u aoga, o le avea lea ma uelo i le lumana’i.

“O lo’u ta o ia e tele e faia galuega uelo, ma o lana galuega lava lea na fesoasoani tele i lo matou aiga mai lava i lo’u laititi e o’o mai le taimi lenei.

“O le tausaga fou o le a ave ail au Vasega 13 i Levaula, ma ou te mana’o la a uma la’u aoga ona ou alu loa lea i le Matata Ese’ese e fa’alautele ai lo’u iloa i le galuega lea.

“I a te a’u lava ia, e tele lava ona ou alu matamata i gaioiga uma a lo’u tamā mo si o matou aiga aemaise lava pe afai ni ana galuega.

ADVERTISEMENT

“Ou te iloa fo’i e tele lava galuega e mafai ona ia fa’atinoina aemaise o se tasi o galuega e tupe lelei.

Na ia fa’ailoa o le taimi lenei o le aoga lava o lo’o ia fa’amuamua.

“O  le a ou taumafai e fai ia lelei le aoga, aua ou te mautinoa a lelei la’u aoga ia o le a maua se avanoa ou te alu ai le Matata Ese’ese e fa’alautele ai lo’u iloa.

“Ae mo le taimi lenei ia e o lea o lo’o fesoasoani tele i nai o’u matua semanu o lo’o maua le taimi mai le tu’uaga o le aoga.

“Ia o lea fo’i e sauna atu mo fa’afiafiaga o le Kirisimasi nanei, ia e leai lava se  meaalofa ou te mana’o ai a’u ia.

“Ae o le a ou toaga e fai fe’au o lo matou aiga aemaise o nai o’u matua ia ma fesoasoani i a’i la’ua i se galuega ou te aoga ai.

“O lea fo’i manaia le tu’uaga e matua’i fuli ai e fai fe’au ia ma tafao mai polokalame o le Kirisimasi i lenei vaitau.

“O le itu pito sili lea ona taua.

VM
By Vatapuia Maiava, 25 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?