A si'itia totogi, e faigofie mea uma

UF
By Ulimasao Fata, 05 December 2017

E le taugata le soifuaga pe afai e ogatasi lea ma le siitia o totogi o tagata lautele o le atunuu.

O le talitonuga lea tama ia Teleko Patolomeo, 45 tausaga mai le afioaga o Vaitele Fou, toa lima lana fanau ina ua fesiligia e le Fofoga o Samoa.

O se tasi lea o itu o loo maitauina ai le afatia tele ai o si tatou atunuu ona ole agai pea I luga o le taugata o le soifuaga ae o loo faapena foi ona agai i luga ma le tau o oloa. 

E le gata i lea e leó siitia lava totogi o tagata lautele o le atunuu o se tasi lea o vaega matuai faigata tele.

ADVERTISEMENT

“Faapea lava au ia a omai nei le au Saina ma faatuina ai a latou pisinisi ai o le a taugofie ai oloa peitai e tutusa uma lava I latou.” 

Taua e lea tama o lona faletua ma le isi vaega o le fanau e toatolu o loo aumau i Savaii ae o ia o loo aumau i lona tuafafine ma le isi toalua o lana fanau i upolu nei.

Sa ia taua e eseese lava le nofo ai i le motu tele I salafai ma le nofo ai I upolu nei.

“O i latou o loo aumau i nuu i tua o loo manuia mea uma ona o loo iai le laueleele e mafai ona galueina.”

Taua foi e Patolomeo le lelava o totogi o loo maua mai i le galuega e faatinoina ai le tele o faalavelave faaleaiga.

“Ou te talitonu, o le olaga o loo tatou soifua ai i Samoa nei matuai faigata ma e le faigofie ona ole le gafatia e totogi ona faatino faalavelave ma le tausiga o le aiga, totogi le pili o le fanau aoga,pili o le suavai ma isi lava vaega.”

“Ou te talitonu ana faapea e tutusa lelei le totogi o loo maua ma le tele o faalavelave o loo tutupu mai atonu o le a le iai se faaseā”.

UF
By Ulimasao Fata, 05 December 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?