Galue mo le manuia o aiga

VM
By Vatapuia Maiava, 25 December 2016

E le taumate le to’atele ai o i latou ua malolo lenei vaitau ma alo atu ai le Kirisimasi ma le Tausaga Fou ae mo le tinā lava ia i a Rosa Tagaloa Louise o Toamua, ia e le tatau lava ona nofoa’i.

“Ia e pei ona tau mai ia o lea lava le fa’amoemoega o lo’o ua i ai nei si o matou aiga o le taumafai ai lea e atia’e i so’o se mafai.

“Ia o sina bbq lea ua fai i luma i’inei , ia e fesoaosani ai le aiga.

“O si o ma’ua aiga ia e tele lava ina  alu lo’u to’alua i ana galuega ia ae ou te nofo lava a’u ia ma faifai nai pisinisi aua si o matou fo’i ia aiga.

 “Ia aua e pei lava o le tele o aiga , ia o le tamā lava e mamafa ai le tele o le mau vaega e fia fa’atinoina ia ae o le galuega e galulue fa’atasi ai ma le tinā.

ADVERTISEMENT

“O lea fo’i la ua fa’ata’ita’i ai lea faiga ia masalo o lea le bbq o le a mafai ona maua mai ai sina tupe fa’asili i le tele o le mau vaega o lo’o fa’atinoina nei.

“Ia ua tatou tau fai silafia uma le tulaga e pei ona i ai le tele o le mau fa’alavelave o lo’o ua feagai nei ma le aiga.

“O se tulaga faigata tele ona ua taugata tele le tau o le soifuaga ae a o tatou galulue  fa’atasi lava e le taumate le i’u ma le manuia o nai fanau.

“Aua e pei ona maitau mai ia e laiti lava tamaiti, ia o lo’o taumafai lava i le mafai e gata ai ina ia lelei le fa’atinoina o so’o se vaega.

“Ina ia maua se lumana’i manuia o tamaiti aua o i latou ia o le manuia o aiga, nu’u ma le ekalesia.

“O le itu mautinoa ia ua taugata lava le tele o vaega o le soifuaga nei, ma e tatou te tau fai molimauina lava lea tulaga.

“Ae pei o lea le fa’amoemoega maualuga ia mafai ai lea ona fesoasoani i so’o se vaega o le aiga.

“Ia ae o le alo atu ai o le atunu’u i aso fiafia, tatou tau fai talosia se Kirisimasi Fiafia ma se Tausaga Fou manuia Samoa!

VM
By Vatapuia Maiava, 25 December 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?