E ui ina faigata

SS
By Sarafina Sanerivi, 29 January 2017

O Salome Paulo o Leone o se tinā e to’avalu o la alo ma le tamā o le aiga ma o lo’o nonofo nei i Leone.

I le fa’atalatalanoaga ma le Fofoga o  Samoa, na ia fa’ailoa ai o le olaga lenei ,e le tatau ona nofonofovale ai se isi, ae ia taumafai ia galulue.

“Ia o tatou uma lava tatou te tau ma fa’afitauli i aso uma, ma aso uma.” O lana saunoaga lea.

“O se tulaga faigata tele o lo’o i ai totonu o si o ma’ua aiga ma le to’alua ma o  lo’o taumafai lava i le mafai e fa’atino ai nai vaega nei e pei o lefa’atauina ai o sei aua se tupe maua.

“O si o matou aiga, ia e fai lava sina ma’aleale le tulaga olo’o i ai, ae olo’u iloa i ai e pei ona ou taumafai e fa’asoa atu e le’o avea lea  ma mafua’aga e taofia ai pea le ola e taumafai.

“O si o’u to’alua e ave ta’avale, ia ma o le  ta’avale a se tasi o aiga, ia e alu e su’e mai lana $350 i le vaiaso ia o le vaiaso atoa lava e taumafai ai lava ina ia mafai ona fealua’i ina ia mafai ona maua le tupe lenei.

“Ia e uma ane lava e le taitai ona lava se tupe mo i matou o le fanau.

 “Ia ua alu alu ua ou va’ai atu, ia te a’u e le tatau ona alu ai pea lo’u aiga i le taimi lenei, e ao lava ona ou taumafai i le mafai e fesoasoani ai.

ADVERTISEMENT

“E pei na amata ai loa ona ou tamafai e gaosi sei ma ave fa’atau ina ia maua mai ai sina tupe fa’asili.

“Ma uafai lava la si umi o o’u fa’atinoina lea tulaga.

‘Ia o le tau o lo’o tulei ai e $3.

E ui la ina le lava se tupe e maua mai ai , ae o le itu taua o le mafai ai lea ona fesoasoani i lona aiga/

 “Ia ou te iloa o so’o se tina o lea lava lona manaoga olo’o ua i ai le taimi lenei, ia manuia fanau, o lea lava fo’i lo’u ia manatu.

 “Ia o se tasi o atali’i o lo’o fesoasoani mo le  fa’atauina o sei, ia ma e le fa’apea la o le a fa’aaoga taimi aoga.

 “E ui la ina alu ai e fa’atau vaega nei,ia ae ou te taumafai fo’i e una’i ina ia alu le aoga, ma o le galuega lava lea o lo’o fa’atinoina le taimi.

“O le fa’amuamua o a’o’oga a le fanau.

“Ia e amata mai lava a’u fa’atauga sei mai le 10 i le 6 le afiafi ia ona fesoasoasni mai lea o la’u tama i a te a’u pe se mea o le 2 le aoauli aga’i le afiafi.

 “E fa’afetaia ai lava la i latou o lo’o ua fa’ataunu’uina lenei polokalame e una’i ai pea i matou mo le fa’atinoina o taleni ma agava’a nei mo so matou lelei aemaise o lumana’i o aiga.

SS
By Sarafina Sanerivi, 29 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?