Filifili Yen e ‘avea ma fai fa’ato’aga i le lumana’i

VM
By Vatapuia Maiava, 14 September 2016

“O a’u ou te mana’o e avea a’u ma faifa’atoaga pe a ou matua” Yen Chang, 19 tausaga o Aleisa.

O le aso ananafi na maua ai le fa’atalatalanoaga  a le Fofoga o Samoa ma le ali’i talavou o Yen a’o ia fa’atauina atu i le mamalu o le atunu’u le tele o fua o fa’atoaga a se tasi o lona aiga i Lotopa.

O le taimi fo’i lenei, o lo’o ia galue ai  aua se tupe mo le tausiga ai o lona aiga.

“O le taimi lenei e $150 lo’u totogi e maua i le vaiaso.” o lana tala mai lea.

“O lo’u faigaluega ai ma ou va’ava’ai i fua o fa’a’ele’eleaga nei i aso uma o se fiafiaga tele mo a’u aua ua una’ia ai lo’u tagata e avea ma fai fa’ato’aga i le lumanai.

“O la’u ia molimau i ai, o le tupe lelei ia o le ‘au fai fa’ato’aga, a lelei lava le aso o le matua’i tele lava o le tupe maua.

“O  lo’u galue ai mo lo’u uncle e fa’atau fua o fa’ato’aga uma nei, ua ou ‘avea ma se miti ua ou momo’o i ai ina ia ‘avea ai a’u ma fai fa’ato’aga.

ADVERTISEMENT

Na fa’ailoa e Yen i le Fofoga o Samoa e silia ma le $1,000 le tupe e mafai ona maua i fa’atauga o le vaiaso.

“O lo’o iloa ai i le taimi lenei a tele fa’atauga o le aso, e ono latalata le tupe maua i le $300 i le $400 i le aso.

“O le fa’ai’uga lava ia o le vaiaso, ia e silia ma le $500 le tupe e maua ai.

“O le fa’ato’aga i lo’u iloa i ai, o se galuega e foliga e le ano ai le to’atele , ae o se matuā fa’amanuiaga lava mo lo’u ia aiga i le lumana’i pe afai ae fai lava e a’u ia sa’u fa’ato’aga.

“Ou te fa’afetai fo’i i si o’u uncle aua e moni lava o lea e faigaluega ai, ae o lo’o tele se avanoa mo a’u ou te a’oa’o mai ai le tele o faiga mo le tōtōina ai o le anoano o le mau fuala’au ‘aina.

“O le itu pito sili lea ona taua mo a’u lava ia.

Na ia ta’ua o le taimi lenei e le’o i ai se manatu e toe fo’i i le aoga.

“E pei lava le tala masani, a ua fa’aletonu le aoga, ia fai le ma’umaga.

“E moni lava la e faigata ae ou te iloa a tago i ai e amata ona fai, ia e faigofie lava mea uma.

VM
By Vatapuia Maiava, 14 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?