Ua leai se Fa’asamoa ma se Va Tapuia

VM
By Vatapuia Maiava, 29 October 2016

O le finagalo fa’aalia o le tamā i a Tuamasaga Pua o le afioaga o Gataivai i Savai’i e fa’apea ‘o le taimi lenei ua tele lava le suiga ua i ai le aganu’u ona o ‘a’afiaga  mai atunu’u i fafo.

 “O le taimi lenei i Samoa, ia o suiga nei ua o tatou va’aia i le taimi lenei lea ua ‘a’afia ai lava si o tatou aganu’u.

 “Ua le toe i ai le mea na masani mai ai o le a le mea e te alu e su’e mai e tatau lava ona mafai mai i le fa’amolemole.

“E pei o le fa’amolemole e mafai mai ai le tele o vaega ae o nei aso ia ua faigata lava ma ua le mafai ai ona ola ma soifua le to’atele o nai o tatou tagata i vaega nei.

O le Va Tapuia o se tasi lea o tu ma aga na ta’ua  e Tuamasaga ua amata ona mou atu.

 “Ia o le va lea o le tama i lona tuafafine po o le tama’ita’i fo’i lea ua o tatou maitauina ua matua’i leai lava se va fealoa’i i vaega taua nei.

ADVERTISEMENT

 “Ia o lea ua tatou va’ava’ai le tele o aiga e feoa’i solo a fanau teine i totonu o aiga, ma ofuvae vaepupu’u i luga ma ofu le talafeagai lava ae o vaega nei ua matua’i sa i la aso.

 “Ia ua pule lava i le taimi e aumai ai le uo teine po o le uo tama fo’i i le fale e aunoa ma se fa’atagana a matua.

 “Ia o le fa’afitauli tele lea, o le fa’alavelave lava ia ua faigata le fefa’asoaa’i o matua ma fanau i nei itu nei.

 “Ia o le aoga fo’i lea o le nonofo ai o teine talavou i fale o faife’au aua e le mafai ona la’ala’a ma ituaiga lavalava le talafeagai.

 “Ia o nei aso ua le popole le tele o talavou i le ituaiga ofu ua ofu le fale o le faife’au.

 “Ia o le taimi lenei ia ua ou litaea mai le galuega sa ou i ai i le ofisa o le vai, ma ua tau su’esu’e lava se galuega i le taimi lenei mo a’u ma le aiga.

 “Ia o le agaga maualuga lava e fesoasoani ai mo aiga, aemaise lava le tausiga o aso uma, ia o nei aso ua augatata tupulaga e o e faigaluega, ua tele le ‘a’afiaga ua i ai i le taimi lenei.

 “Ia ae o nei aso ua talanoa lava i le tupe le tele o aso.

 “O le taimi lenei o lo’o fa’amoemoe tele le aiga i fa’ato’aga ma nai mea fafaga.

VM
By Vatapuia Maiava, 29 October 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?