O lau filifiliga e manuia ai fanau

By Seia Soloi 24 April 2017, 12:00AM

Tele suiga o le olaga ma luitau  e feagai pea ma le taga I lona ai I aso uma ma ua faamuamua ai le tele o nisi o mea le aoga o le olaga nai lo aiga ma fanau.

Ae o le mea taua o nei suiga e mo ni nai vaitaimi ae le’o taimi uma ae faamuamua fanau aua o le tofi mai le Atua.

O le mau faaalia lea a le tina ia Fa’au’uga Setefano, 51-tausaga le matua mai le afioaga o Leauva’a ma Manase,Savaii. O lana faamuamua e mo lana fanau lea ma fanau a lana fanau ma lo latou lumanai manauia.

O le tina aia Fa’au’uga e to’afa lana fanau, to’alua o lo’o aumau nei I Niu Sila ma leisi toalua o lo’o i Samoa nei ma e na’o latou lava o lo’o nonofo i le taimi nei.

Ma le tama o le aiga o lo’o gaigaluega nei i le aupiki apu a le atunuu o lo’o Malaga atu i Niu Sila aua se manuia o fanau ma aiga.

“O la’u faamuamua e mo la’u fanau ma lo latou saogalemu ma le ola a ii aso uma” o lana tala lea i le Fofoga o Samoa

“E mo a’u lava ia le tina, o la’u faamuamua ma la’u faamamafa ina ia maua e la’u fanau se lumanai manuia mo latou aemaise lo latou ola tuputupu a’e mo le lumanai.

“E ui lava e leai se galuega ae o le naunautaiga lava ina ia ao’oga le fanau ina ia a’oa’oina ni mea fou ae le gata i lea o le ola ai mo le lumanai.

‘Aua so’o se matua lava o le miti lava lea ina ia manuia fanau.

O le masania le tina ia Fa’au’uga o le nofo lea i le fale ma vaai lana fanau e toalua ma  o ia foi e faia feau a lona aiga i aso uma.

“E laity lava la’u fanau” o lana tala mai lea

“O lo’o lafo mai foi e kle tama o le aiga tupe i vaiaso uma aua le tausiga o le fanau o lo’o nonof iinei.

“Ua le gata mo le aiga ae o falavelave foi i totonu o le aiga ma le nuu aenaise le ekalesia.

E lagolagoina e le tina le omai faatasi ai o suiga ma luitau o lenei olaga o lo’o tatou ola ai.

‘Toatele o tagata e na’o le tupe lava le olaga mai le amataga ae o a’u ma lo’u aiga out e faamuamuaina lava lo’u aiga aemaise la’u fanau.

“E ui lava i le faigata ma le taugata o le tau atia’eina o aiga ma fanau ae o lo’o taumafai lava i le mea e gata ai le malosi ina ia manuia fanau mo le lumanai.

O fuafuaga a le tina e o a ii Niu Sila aua le sailiiliga manuia mo fanau.

“E taugata lava ae o le vaai alofa lava i fanau ma lo latou lumanai manuia ina ia lelei.

By Seia Soloi 24 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>