“Fia maua sa’u galuega”- Fatia Pei

By Fetalai Tuilulu’u 24 May 2017, 12:00AM

O le manaoga o le taule’ale’a o Fatia Pei mai Luatuanuu ina ia maua sana galuega e fesoasoani a ii lona aiga aemaise ai o lona ia lava manuia.

O le alii o Fatia e 22-tausaga le matua na maua atu e le Fofoga o Samoa o lo’o faamama luma o lo latou fale ma galue i le faatoaga a lona ia lava aiga.

O lona taimi atoa lava e alu i le galue ai lea i le faatoaga e ala lea i le vele ma faamama ma lona naunautaiga ina ia vave fua mo se meaai a lona aiga.

“Na ou tuua lava la’u aoga i le fa agai i le lima tausaga ua mavae atu ua ou mafaufau e sili ona ou nofo e fesoasoani i lo’u tama i le tautuaina o le matou aiga” o lana tala mai lea i le Fofoga o Samoa.

“O o’u uso ma tuafafine e laiti ma e leai seisi o i latou e ono tuuina iai se feau e faia ma out e le tuua ai foi iai ni feau e faia o a’u lava lea o lo’o faia le galuega i aso uma maua ma lo’u tama.

“Ua ou matua foi ma ua ou manatu foi ua tatau ona me ii leisi sitepu o lo’u olaga e ala lea i le sailia lea o sa’u galuega e fesoasoani a ii lo’u tama aua matou te le feagai pea ma lo’u tama i le tele o taimi

“I lenei olaga a le galue ma sue lava e le tagata ia lona lava manuia e leai se mea e maua ma out e faafetai o le iai o le matou faatoaga matou te tua iai

“O a’u out e talavou ma ua tatau ona ou agai e galue faa-tagata matua mo lo’u aiga.

Ua talitonu le alii o Fatia i le taugata o lenei soifuaga ua iai nei pea faatusa atu i aso ma tausaga ua mavae o le tautiga lea mo le tausiga o aiga e pei foi o le faigata lea o lo’o feagai ma lona aiga i aso uma

“Ua maualuga lava le tau o le soifuaga i lenei vaitau” o lana tala mai lea

“O le faafitauli lava lea o lo’o feagai ma le matou aiga i aso uma e o’o lava i sina mea mai le faleoloa ua le gafatia  lava

“A maua lava le tupe e faamuamua lava pili o le vai ma le moli ae le gata i lea o pili aoga o le fanau ua tele ai lava tupe alu

 “Fa’i o faalavelave faale-aiga e tele ina alu ai tupe aua o le matou aiga o lo’o iai matua-tausi e le’o se gasluega faigofie.

O le miti o le alii o Fatia ina ia galue i se faatoaga e ala lea i le faamamaina ina ia maua mai ai sana tupe maua mo lona aiga

“O le a lava le tulaga e maua ma ii le galuega o lea ou maua ina o lena lava aua o le mea taulia o sina seleni mo lo’u aiga

“O lo’u faanaunauga ina ia mafia ona ou fesoasoani i lo’u aiga aua ua ou iloa nei o le olaga e le’o se mea faigofie 

“Aua tatou te faalagolago fua i nisi o tagata e omai e galulue mo tatou ia galue lava le tagata ia mo ia ma lona aiga

“O ituaiga galuega lena ou te fia manao iai ma out e matua galue ma le malosi ina ia maua mai lava sina seleni mo lo’u aiga

E maua le alii o Fatia i le numera 40505.

By Fetalai Tuilulu’u 24 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>