Malosi pea e tautua le aiga e ui ina taugatā le tau o le soifuaga

VM
By Vatapuia Maiava, 13 September 2016

Na maua le avanoa o le Fofoga o Samoa e  fa’atalatalanoa ai le tamā i a Misa Fa’ataui  o Matautu, Falelatai.

O lea fa’atalatalanoaga na ia fa’ailoa ai e ui ina le faigofie i le tele o taimi le soifuaga aemaise lava itu tau tupe, ae o le agaga fa’afetai, e le’o mafai lava ona tu’ulafoa’ia e le Atua ona tagata.

“O le tulaga ia i matou i tua nei, ia o le tulaga ia i le tausiga pe leai lava ni tupe pe i ai fo’i ae a lava a le fa’alifu ma le ti, ia ua uma fo’i le aso, e pei o fa’avae lava mai aso anamua.

 “O lo matou aiga e leai se isi o matou e faigaluega, e i ai a’u galuega e fai ae le maua uma i taimi uma.

 “E i ai lava taimi e mo’omia ai le fesoasoani i aiga i fafo ma maua mai ai nai seleni aua lava le tausiga o le aiga. “O le tulaga lava i le tamaoaiga , e i ai taimi e maua ai tupe e i ai foi taimi e le maua ai ni tupe.

“O lo matou aiga e titilo lava i le selau ma ona tupu i vaiaso uma lava.

ADVERTISEMENT

“E tusa lava pe matitiva e i ai lava le taimi e fesoasoani mai ai le Alii ma e auala eseese mai ana fa’amanuiaga i totonu o si o matou aiga.

O le taimi lenei, e na’o  le lua lava Ekalesia i totonu o le afio’aga; o le Katoliko ma le E.F.K.S.

“ O le tulaga i  le tautuaina ai o le Ekalesia, nu’u,  e pei e mana’omia ai lava le seleni i taimi uma...ma o le nu’u lenei , tusa po o le a lau Ekalesia e te sau ma oe , e na o le lua Ekalesia e mafai ona alu i ai le tagata.

“O mea fa’alelotu e i ai lava puipuiga o le afio’aga nei i mea fa’apena , o le fa’amalosiau , o a mea uma e fai e tatau lava ona fai, o matou ia pei lava o le matai e alu ai luga tulaga o matāfale a le Ekalesia, tusa lava pe te le tiākono, e fai lava mea uma pe afai ua avea oe ma se matai o le aiga.

“Ia o a’u galuega ia e fai e pei o mea ia o afi laiti, o movao , iliafi, fana lausului, e i ai lava taimi e maua ai seleni, ou te kamuta fo’i, a maua lava galuega ia e maua fo’i a matou tupe i lea aso.

“E fai lava si faigata o le tau o le soifuaga i le vaitaimi lenei…ia o se faata’ita’iga , a fa’apea e maliu se isi le aiga , e tele lava le tilotilo i le seleni, e mamafa lava tulaga i mea nei.

“O la’u lava ia talitonuga o le aganu’u lava e ala ai ona matitiva, lea e ala ai ona mafamafa  mea e fai pe a tutupu mai fa’alavelave.

 “O tamaiti aoga fo’i, o le tele lava o aso e fa’atali ai se’i tu’ua mai le aoga fa’atoā ‘a’ai i le fale.

VM
By Vatapuia Maiava, 13 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?