Galuega fai mo fanau

FT
By Fetalai Tuilulu’u, 25 February 2017

O faia lava le matafaioi o le saili seleni aua lava le feagai ai ma a’oa’oga mo tamaiti.

O le manatu fa’alia lea i le tina ia Sisi Tito mai le afioaga o Malie I le maua ai o le fa’atalatalanoaga  ma le Fofofoga o Samoa le aso ananafi.

“O fanau o le tofi mai le Ali’i e ao ona tatou tausi ma le fa’amaoni iai. O le fatu  aiga tausi foi o se galuega faigata ae ui i lea e faia pea aua se lumana’i o le fanau.

O Si’i o se tinᾱ e to’atolu le fanau ma o lo’o faigaluega nei i le Terry’s cake i Alafua ma o lo’o fa’amoemoe iai lona aiga. 

O le taugata le soifuaga i lenei vaitau eavea ma tulaga e mamafa I mafaufau o le toatele o aiga ae peitai o le taugata lava o le soifuaga e le tatau ona tatou fa’alagolago iai o lo’o tele lava auala e foia ai.

ADVERTISEMENT

“Ia o la’u galuega e fai lava si faigata ona foi ua le toe tutusa le malosi i le taimi nei peitai o le manatu alofa lava i si a’u fanau mo se latou manuia. 

“O le taimi foi nei o le tupe maua mai le galuega e ta’u mama atu lava e le tele ae e lava lelei ma totoe ona o le ausage o si o matou aiga. 

“Ua na’o le tolu foi o’u aso faigaluega o le tupe lava e maua mai ia aso o le tupe foi lena e fai ai le fa’asoa aua aoga a le fanau ma meaai. 

Sa fa’alia foi e le tinᾱ ia Si’i e le fa’amoemoe lava i le tauagata o le soifuaga o a lava mea o lo’o maua I ona lima e talia ma le fa’afetai aua o lo’o fa’amuamua lava ia te ia le fanau aoga.

Sa faailoa foi e Sina le matagofie le olaga pe ola galuega  ma le fa’alogologo tina e faia mea uma ia ona o le alofa I lana fanau ae maise o le manuia mo I latou.

“I le matou nonofo ai i si o matoua aiga e leai lava ni fa’afitaui, lelei feso’otaiga ma aiga ma le fanau ma e maua lava le fiafia, aua foi o le olaga nei tusa lava pe iai se tupe pe leai foi ae a maua le fiafia e leai se mea e popole ai. 

“E ui lava i le tele o taimi e le lava ia le fa’asoa mea tau seleni  ae peitai a maua le meaai ma o tamaiti le aoga e e leai lava se fa’afitauli.

FT
By Fetalai Tuilulu’u, 25 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?