Leai se eletise, leai foi se suavai

AL
By Aruna Lolani, 21 June 2017

O nisi o taimi a leai ni vaega taua e mana’omia le olaga e faigata lava ona ola ma soifua se tagata.

Ae ui i lea e ave lava e faia lava vaega ina ia mafai ai ona maua le ola i lea aso ma lea aso.

O lea le manatu fa’alia o Olive Taufi, 69 tausaga le matua e soifua o Mulifanua.

Sa maua le fa’atalatalanoaga ma le Fofoga o Samoa o lo’o aga’i atu e tapena se tasi o latou fanua i tai le a’ai ae o le tinā e nofo i uta le togavao. 

“O a’u e leai se to’alua ae to’alua si a’u fanau." 

“Ia e faigaluega le to’atasi ae o le isi e ma te nonofo le fale." 

“Ia o le faigata lava lena o lo’o iai nei ae peitai e maua lava le fiafia ma le malosi mai le Ali’i." 

ADVERTISEMENT

“E leai se vai e o’o atu gauta, sa fiu lava e talosaga le ofisa o suavai ae peitai o le tali tu’uina mai e le o’o atu se vai i gauta le fale." 

“Ia o lo’o faia lava le galuega o le la’u le vai." 

“O le alaga tupe e fa’amoemoe i le atali’i faigaluega ae le gata foi i lea o lo’o maumaga." 

“E ave lava fua o o’u fa’atoaga e fa’atau maua ai se seleni." 

“O le fa’amuamua lava e ave le fanau." 

“O le tofi mai le ali’i, o i tatou lava le ki ma le tatala o mea uma, o i tatou foi e ao ona tatou fa’apelepele ma fa’a’aooga le fanau." 

“A’oa’i le fanau e tusa ma ona ala a matua e le toe te’a ese ai lava." 

“O nei aso, ua alualu lava i luma suiga ma ua tau au na le iloa ai le va ma tagata, o le naunauta'iga lava o  matua pei o maua ma si o’u to’alua ia maua ni lumana’i manuia o le fanaua, ia iloa ola ma ia maua le fiafia." 

“Aua nei ola fa’alagolago ma ola samasamanoa ae ia ola ina ia mafia ona maua ni matua sili mo aiga, nu’u ma ekalesia." 

AL
By Aruna Lolani, 21 June 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?