To’atele e leai ni galuega - Ana

UF
By Ulimasao Fata, 12 October 2017

O le fa’atuputupula’ia o le numera o tagata e leai ni galuega i Samoa o le molimau lea o le tinā i a Ana Tele’a o Levi Sale’imoa.

E talitonu le tinā ia Ana Tele’a ua 45 le matua o le soifua, o le fa’atuputupula’ia pea o lea fuainumera o tagata e leai ni galuega i Samoa ua i se tulaga fa’aletonu.

“O la’u lava mau ona o le tele o fa’afitauli ma fa’alavelave ua tutupu mai i lo tatou atunuu e faapena lava ona mafua mai i tupulaga ua leai ni galuega”.

“O le tele o lo matou taimi ia o avanoa ua faaogasese i mea e le’i mafaufauina e ona o’o iai lo latou fa’atinoga pei o le taumafa ava”.

ADVERTISEMENT

Na taua foi e Ana e iai foi le isi itu o lo’o o gatasi ma lea fa’afitauli, o le faigofie o le latou mauaina o auala faa tekonolosi.

“O le tele ia o fanau ma tupulaga i lenei vaitau i totonu o nu’u e matua leai lava ni galuega ae o telefoni ua latou u’uina ua matua taugata lava”.

“O le popolega ona o le faigofie ua iai nei le alu i luga o a’upega tafaiilagi ua maua ai foi ma le avanoa e matamata ai i ata le talafeagai o lo’o iai sauaga”.

Na ia taua foi e ui lava ina leai sana galuega o iai ae o lo’o ia matua’i taumafai lava i le mea e gata ai le mafai aua le una’ia o le fanau i aoga.

“I le taimi nei e leai sa’u galuega ae o lea e fai lava o’u suisuiga i le fale ma maua ai nai seleni mo le aiga aemaise mea fai a le fanau I aoga”.

“O le naunautaiga lava ia manuia le fanau i aoga ma tuputupua’e maua galuega lelei aua le tausiga o latou lava aiga i le lumana’i”.

UF
By Ulimasao Fata, 12 October 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?