Paul: E taua le poto

By Ilia L Likou 12 October 2017, 12:00AM

O le maua ai o le fa’atalatalanoaga a le Fofoga o Samoa ma le Paul Vailigi i le aso ananafi na ia fa’ailoa ai le taua o le ola a’oa’oina lelei.

O lo’o i le Tausaga 11 i le Kolisi o Avele.

“O le taimi lenei ia e leai lava se isi mea o va’ava’ai ai ae taumafai lava e alu i le aoga.” O lana tala mai lea.

“E pei o lea le tulaga o lo’o ua taumafai ai lava ina ia mafai ona fa’atinoina o so’o se mea e mana’o ai pe a matua aua lava aiga aemais o nai o’u tei laiti.

Na ia fa’ailoa o le itu mautinoa o le taumafai lava lea.

“Ia e le faigofie le fa’aoogaina o i matou , e pau lava lea o le tali e tali atu ai i matua o le taumafai lava ina una’i o so’o se faiga aua le aga’i atu ai le lumana’i.

“O aso laititi ia na fai mai lava la’u faiaoga o le a le aluga o le olaga, ia taumafai lava ia alu le aoga aua o se tasi lea o a’upega e mafai ona suia o so’o se vaega o lo’o e taumafai ai.

“Aemaise lava le atina’eina o aiga, ma isi tulaga e pei ona masani ai lava.

O lona talitonuga e le’o na’o le poto i le aoga e mafai ona maua mai le ola a’oa’oina lelei.

“Ae o lou iloa lea ona fai le va fealoa’i lelei ma isi tagata, ae le gata i lea a lelei au a’oa’oga o le a mafai tele le taimi e te fesoasoani ai i isi tagata aua le aga’i ai le lumanai.

“O le a mafai ai fo’i ona lelei au fa’ai’uga fai tusa lava po o a fa’afitauli e tula’i mai ia e te fa’alogo atu lava o lo’o lelei lava le gasologa o mea uma i le lelei ai o fa’ai’uga e te mafai ona faia.

Na ia fa’ailoa o le itu taua lava o le toaga lava i le aoga.

“Ia e pei o aiga lava e amata atu ai le ola a’oa’oina lelei o matou fanau, o lea e ao ai lava i ai matou ona usiusita’i lelei aua le aga’i i le lumana’i.

By Ilia L Likou 12 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>