O LA’U TALA FO’I

08 June 2016, 12:00AM

1. Matauina i Tala Fou se ulutala fai mai-“O lea ua la’a mai Apia i totonu”-o lona uiga-o lea ua tuu mai le aao o le afioaga o Apia- e lagolago i le Malo-e tusa ai ma faafitauli ua tula’i mai nei-talu ai tupulaga talavou!

O lea la faafitauli-“o vaega poo kegi a le tupulaga talavou-ia ua faasaolo i totonu o le Taulaga-ma ua afaina ai tagata lautele. Ua le gata ina latou osofa’i tagata ae gaoi a latou meatotino-ae ua latou gaoi foi meatotino a tagata pe faamata’u o le a latou faaleaga a latou taavale ma isi lava mea!

O le fesili la-o fea e o mai ai nei tupulaga talavou ae o fea o latou matua? E le tioa a leaga faia olaga o nei tamati- ona o le tuufau e o latou matua-e aunoa ma le saili pe o fea o i ai ae le’i momoe o latou aiga?

O faalavelave uma la nei e tutupu i totonu o le Taulaga ma aafia ai tagata lautele-e mafua mai nei tupulaga ua tuufau ae le a’oa’ia e o latou matua! I le taimi nei la- e leai se faiga a le Malo o faia i ai-ae faafetai o lea ua tali mai le afioaga o Apia-ma o lona uiga la-e lelei i matua o nei tamatai faatupu faalavelave-ona toe manatu tasi lava!

Afai latou te alolofa ia latou fanau-o le taimi la lenei e tatau ai ona e matua mataala - aua e maua loa e le leoleoga a le afioaga o Apia-o lona uiga-tou te le toe vaai ia outou fanau! O le a sou taofi? 

2. Matauina foi i Tala Fou-o lea foi ua toe kuka faatasi mogamoga ma taumafa ia e faatau atu i tagata lautele! O le fesili la-o le a se finagalo o le Matagaluega o le Soifua Maloloina i lea mataupu? Afai e faatalale ma le kea i le soifua maloloina o tagata e faaaogaina a latou taumafa-ua tatau loa ona fai se a’oa’iga e le Matagaluega o le Soifua Maloloina.

E tatau foi ona faasala e le Matagaluega e gafa tonu ma lea matafaioi! Afai e selo i ia tagata le soifua maloloina o le atunuu-e lelei la ona taofi i le taimi nei ia tagata-a’o lei tula’i mai se faalavelave mata’utia! Afai la o se teineitiiti a’oga na faatau i ai lenei taumafa-faafetai i le Atua-e leai se mea na tupu mai ai-ae mo le lumana’i-e le tatau-le tatau lava ona faatagaina ni tagata faapenei-latou te saunia ni taumafa mo le atunuu-leaga e le faatuatuaina! O le a sou taofi?

Matauina foi i Tala Fou se ulutala fai mai o loo galulue e tineia faiga pi’opi’o. O lea la mafutaga tau aoaoga sa faamaopoopo e vaega o Malo Aufaatasi ma le Malo o Samoa! O le fesili la i ia vaega o Malo Aufaatasi sa faamaopoopoina lea mafutaga tau aoaoga-e tou te manatu e mafai ona outou tineia faiga pi’opi’o a le faigamalo a le HRPP?

Afai ua uma ona faamaonia e le Pule ma Su’etusi Sili –e ala i lana Lipoti faiga pi’opi’o a le faiga-malo-toe faamaonia atili e le Komiti Tofia a Alii Ofisa o le Palemene, ae musu le Palemia e tuuina atu i le Faamasinoga ia faiga pi’opi’o-o le a la le pogai e maumau ai fua le taimi o Malo Aufaatasi ae na te iloa lelei lava e musu le Palemia e ave faiga pi’opi’o a lana faigamalo i le Faamasinoga?

E faapefea ona usitai i Malo Aufaatasi pe na o Samoa e ono le Malo-e le kea i ai? Ia –afai la sa auai le Palemia i lea mafutaga-o le a faapefea la ona tuu ae o lea lava e faaauau nei faiga pi’opi’o e o’o mai i le taimi nei?

E faapefea ona faalogo i Malo Aufaatasi pe na o Samoa e ou le atunuu ma le Malo-e le o kea i ai le Palemia? O le a sou taofi? 

08 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>