Teena e le Pagota ona moliaga

PM
By Pai Mulitalo Ale, 29 June 2016

O le faamasinoga o se pagota lea na tuua’ia e faapea na ia talepe ma ulufia se potu o se fale talimalo i ni seleulu ma toso se turisi ae faamalosia lana paaga e matamata i ai e aunoa ma se fesoasoani e fai ona fai i ai-ua faatulagaina e amaa i le asŏ.

O le pagota faafitauli e mata’utia le sola so’o i tua ma le falepuipui o Lauitiiti Tualima-o le a tula’i i luma o le Alii Faamasino o le Faamasinoga Sili o Lesatele Rapi Vaai. 

O lea mataupu sa faatulaga mo le fofogaina ananafi..Ona o le mata’utia tele o moliaga e faasaga ia Tualima-o lea na tolopo ai e le Alii Faamasino o Lesatele le fofogaina o lea mataupu mo le asŏ-ina ia mafai ai e le itu tete’e ona maua sana loia. O loo feagai Tualima ma moliaga o le toso teine, sauaga mataga, talepe fale, gaoi ma lona umia o auupega mata’utia.

ADVERTISEMENT

I totonu o le faamasinoga ananafi, na teena e Tualima ia moliaga. Sa finau atu pea o le ana puipui ia te ia i le faagasologa o taualumaga.

.Ae peitai, sa le talia e le Alii Faamsino o Lesatele lea tulaga.Sa faailoa atu foi ia Tualima e faapea o moliaga e faasaga ia te ia e matua faigata lava ma o lea e manaomia ai sana loia. E tusa ai ma le Vaega o loo gafa ma moliaga o Leone Su’a, e iva moliaga e faasaga i lea ua molia. Ae ui o lea, o ia tulaga ua na o ni taualumaga faatasi ai ma moliaga e fitu-talu ai-ua uma ona aveese isi moliaga.

O ia moliaga e afua mai se faalavelave lea e aafia ai se tagata mai Ausetalia o Angie Jackson-lea sa i ai ma lana paaga o Tommy Williams, i le Lupe Sina Tree Resort-ma o le taimi lea na faate’ia ai la’ua i se tagata na atu ai pe tusa o le itula e 2 i le vaveao o le aso 23 o Setema o le tausaga talu ai. 

O loo tuua’ia e faapea o Tualima na ia saisaia ia tagata e to’alua a’o le’i sagai ane e toso faamalosi Ms. Jackson.Fai mai Ms Jackson sa faamalosia i la’ua e ‘ai’oi atu mo la ola a’o le’i sola ese lea alii ma la meatotino.

O lea ulugalii mai Hobart, faato’a nonofo ane lava i luga e pu’e se taavale la’upasese i le malae vaalele e felelei atu ai i Sini-ae tupu loa lea osofaiga ma e i ai le talitonuga o se tasi o le aufaigaluega a le fale talimalo na faate’ia lea alii ina ua alu atu o ia e siaki-pe la te manaomia lava se taavale la’upasese. 

E tusa ai ma le Alii Faamasino o Lesatele, o lea tagata na afaina ai-e le mafai ona malaga mai i Samoa ae o le a tuuina mai lana faamatalaga molimau i luga o le initeneti.

PM
By Pai Mulitalo Ale, 29 June 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?