Ia vave fai se fuafuaga

IL
By Ilia L. Likou, 26 January 2017

 “Ia o le maitau atu i lenei taimi ua matua’i tele lava le suiga o lo’o ua i ai nei Samoa.” Leva’a Lokeni, 64 le matua o le soifua i le fa’atalatalanoaga ma le Fofoga o Samoa.

“Ia e mo le silafia ai o a’u e fai lava sina a’u tama’i ma’umaga ma o lo’o fesoasoani tele i si o matou aiga i le taimi lenei.

 “E to’alua si a’u fanau teine ma o lo’o i galuega i le taimi lenei, ae pei o la’u ia lea galuega e fesoasoani ai le aiga o le fa’atinoina ai lea o le ma’umaga.

 “E mo le silafia ai o le ma’umaga lenei o lo’o fesoasoani tele mo le  fafagaina o si o matou aiga ma nai tupe maua fo’i.

“E leai lava ma se isi e ese mai lona taofi i le taugata o le tau o le soifuaga olo’o ua tatou i ai nei.

 “Ia e pei o lea le tulaga o lo’o maua mai ai nai senesene aua le aiga i aso uma.

 “Ia ua tatou i ai nei vaitau o tau o oloa ua alu i luga aemaise o auaunaga ae tatau lava i a’i tatau ona mata’itu lelei vaega nei.

ADVERTISEMENT

Na ia fa’ailoa o le olaga lenei ‘o le galue malosi lava’

 “O lo’u iloa i ai , e pau lava lea o le tulaga o le a mafai ai ona tatou tau atu i le malosi o suiga ua sau nei.

 “Ia o le taumafai lava e tatou te fesoasoani lava tataou i a’i tatou ona lelei lava lea o le fa’atinoina o vaega uma.

 “E leai se mea o le a tatou fa’atali ai le malo, aua e fiu e tatali ae ole taumafai lava e atia’e tatou i mea e maua i o tatou lima o le a fesoasoani tele i lo tatou lima vaivai.

 “E le’o popole mai lava le malo i a’i tatou le taimi lenei.

Na ia fa’ailoa o le isi tulaga e pei ona ua i ai nei o le tele o suiga mai fafo.

 “Ia o la aso na mamulu mea uma i le fa’amolemole, taugofie tau o le tele o oloa ma auaunaga.

“Ae ua le’o lea le ata o le aso, e o’o lava i lou uso po o lou tuagane e tatau lava ona e alu e fa’atau mai se mea e te mana’o ai.

“Ua lofia si o tatou atunu’u i tu ma aga fa’aEuropa, ma e ao lava ona apapapa i ai , a’o lava le taimi.

“I tatou i tuai.

IL
By Ilia L. Likou, 26 January 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?