Sologa lelei le olaga i totonu o le afio’aga

VM
By Vatapuia Maiava, 12 September 2016

Na fa’ailoa e le tamā i a Simeona Lavea o le afioaga o Mulifanua i le aso ananafi, o le fa’ato’aga o lo’o tua ma fa’alagolago i ai lo latou aiga i aso uma.

O le 53 ai o le matua o lona soifua, e le’o avea lea ma fa’afitauli i a te ia mo le tausia ai o le fanau e to’afitu ma le tinā o le aiga.

“E tau leai ni fa’afitauli i totonu o lo’o aiga ma o lo’o malosi lava.” Simeona Lavea.

 “O le tupe e mafai ona ou mauaina i le aso e $100 ma e $500 lava i le aso.

“O lenā tupe o lo’o lave lelei ai le fa’asoa i le tausiga o le aiga, fanau, Ekalesia ma le nu’u e pei ona masani mai ai lava.

ADVERTISEMENT

“E pei o le fautuaga ia i le to’atele o tagata, ia to’a’aga e tōtō fa’ato’aga,  aua o o lea o lo’o tatou molimauina pea i aso uma le taugata o le soifuaga e pei ona ua tatou i ai.

Na ia fautuaina fo’i le to’atele o tupulaga lalovaoa o le atunu’u - ina ia fa’aaoga lelei le malosi.

“O le fautuaga lava i tupulaga manū la o lo’o maua le malosi i le taimi lenei.”

“Ia aua lava nei alu vale le malosi i le feoa’i solo ma fa’amisa i le auala ma le taulaga…o mea nei  (fa’ato’aga) e fai ai le ulavale o le tagata.

“E le gata i lea a ia fai le mea e ta’u leleia ai le aiga ma tausi lelei ai le aiga, e pei o le  to’aga e fai le fa’ato’aga.

“E mo le silafia ai, pe leai se tupe pe i ai fo’i, e leai lava se mea e popole ai.

“Aua o lo’o maua lava le talo ma le lu’au , ia o le tama o le va e to’a lelei ai lava le moa.

“ O lo’o maua isalaelu , kukama, kapisi, tamato ma pi ma le anoanoa’i o fuala’au ‘aina aua le tausiga o le aiga.

VM
By Vatapuia Maiava, 12 September 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?