Nisi o Faiaoga mai le R.S.P.C.A. na asia nisi o aoga i le atunuu mo le puipuiga o meaola

03 July 2016

O le vaiaso na tea nei na malaga mai ai i Samoa ni tamaitai faiaoga, O Sally ma Emily- e maoa’e lo la tomai mai le Faalapotopotoga o le RSPCA, o se vaega lea e puipuia le ola maloloina o meaola I totonu o Ausetalia. O se vaiaso pisi tele sa la galulue ai e fesoasoani  i le aoaoina o alo ma fanau a le atunuu, aemaise ai o fanau laiti ina ia latou iloa ona tausi lelei taifau ma pusi- ma ia taofia le sauaina o meaola.

O Sally ma Emily sa galulue ma se alii ofisa mai le Soasiete a le APS o Setu Timoteoe ala  i le asia o aoga i totonu o le atunuu ma  na latou asia ma faasoa atu i le fanau e sili atu i le 350, le faatauaina o le tausi lelei o meaola.Sa fiafia uma le fanau e feiloai atu i le taifau meataalo a le Sosaiete o Freedom lea  sa fesoasoani e faaaoao i  le fanau e i ai manaoga- o taifau e pei lava o le tagata soifua. Sa aoaoina e le fanau- o meaola e fiafia ma ola maloloina- e tatau foi ona fafaga i meaai, inu i vai mama, e tatau ona i ai ni fale e faamalumalu ai mai le La  ma le timu- e tatau foi ona i ai ni uo latou te ta’a’alo ma faailoa foi  i le fanau -e tatau foi ona ave i fomai manu- aua le siakiina ma togafitiga pe a mama’i.

E le gata i lea -sa aoaoina foi le fanau ia iloa ona faaali lana amio pe afai na te vaai se taifau- aua lava le puipui o i latou mai le osofa’ia e taifau e ala  i le faatinoga ma gaioiga sa faatino uma e i latou nei mai Ausetalia. Sa a’oa’oina foi ina ia tausisia le saogalemu mai taifau- faatasi ai ma le iloa e i latou o ituaiga o foliga eseese o meaola ma o latou lagona- ina ia saogalemu i latou pe a i ai faatasi ma taifau O ni gaioiga e foliga e malie ao loo aumai ai se feau taua. Sa latou aoaoina foi se pese “ Ou te talanoa i maile” Sa usuina uma i  gagana e lua o le Faa-Palagi ma le Faa-s

Samoa  e manatua ai pea le polokalame tusa pe le a le umi e manatua pea.

Ou te iloa manaoga o ta’ifau, Manaoga o ta’ifau, Manaoga o ta’ifauOu te iloa manaoga o ta’ifau, Ou te talanoa i gagana a ‘maile’

E fusi a’u uo ae le o ta’ifau, E le o ta’ifau, E le o ta’ifauE fusi a’u uo ae le o ta’ifau, Ou te talanoa i gagana a ‘maile’

Ou te mili lona ua e o’o i le si’usi’u, ua i le si’usi’u, ua i le si’usi’u

Ou te mili lona ua e o’o i le si’usi’u, Ou te talanoa i gagana a ‘maile’

Afai e ‘ai ou te savali ese, savali ese, savali ese

Afai e moe ou te savali ese, Ou te talanoa i gagana a ‘maile’

A ou fefe ou te tu malo, tu malo, tu malo

A ou fefe ou te tu malo, Ou te talanoa i gagana a ‘maile’. O se faalapotopoto ua tele lona sao taua ma ua savali nei i le fa tausaga o fai-paaga ma le Sosaiete APS i Samoa nei O mea faitino foi o loo faaaogaina i le faatinoina o aoaoga sa foa’ina uma ma faatupeina e lenei faalapotopotoga mai Ausetalia. E aoga tele ma talafeagai mo alo ma fanau aoga- faatasi ai ma meaola i totonu lava o le atunuu.

Afai e te manaomia le oo atu o lenei auaunaga mo le aoaoina o fanau aoga i lau aoga faalapotopotoga faamolemole valaau le 22403 ma faatulaga ai se avanoa mo lea auaunaga fai fua. 

Togafitiga mo le ‘Utu ma le Fili o lau meaola

O a nei mea o Fili? O ni tamai iniseti pe 1 i le 2 milimita le lapopoa.O Fili lapopoa e maua pe nonofo i moega ma mea e momoe ai taifau,pusi ma nisi meaola ma e ai

i le toto o meaola. 

O nei iniseti e matua ogaoga le u /aati. E mafai  foi ona feaveaia anufe pei ni manoa, E mafua ai foi le mageso, toulu le fulufulu  (pea a valu) ma aafia ai le pau ogatotonu ona o le ogaoga tele o lenei iniseti.E tele lava ina aafia ai le meaola i le siama ogaoga e pei ole le lava o le toto aemaise lava i tamai maile,ma tamai pusi.  

I le taimi o le siakiina o lau meaola e masani ona vaai ai nei tamai iniseti uli e fepi’iti i le pa’u o lau meaola.

ADVERTISEMENT

O a nei mea o Utu? O le tamai iniseti efuefu vaivai e lapotopoto e fafaga pe aai i le toto o meaola. E foliga  lona tele pei o le tamai fua o le pea pe a u e le utu le meaola.  E maua lava i soo se vaega o le tino o taifau ae pei o le nofoaga masani lava ona nonofo ai o taliga,foliga poo le manava i le mea e iai laulu. 

O le Utu e folga mai na te feaveaina le tele o faamai o taifau; ; O le faamai o le Lyme poo le Borreliosis o se faamai e feaveai e utu ma e ono aafia ai le tagata soifua, taifau ma pusi.O se faamai e taatele ma e maua foi i le tele o nofoaga, E tatau a ii e fai taifau ona silafia ma malamalama  i auga ma faailoaga o nei faamai.

-         tiga, gagase maso ma sooga o ponaivi.

-          vaivai,ivā, vaivai.

-          fiva

-          lea lava le vai le tinolack of appetite

-          Nisi taimi e iu lava ina matapogia.

E tusa lava e tausaga atoa e fotu ma maua ai le utu ma le fili i taifau poo meaola i Samoa.e matele ina tetele i le taimi vevela o le tau.O le fili lava ma le utu e mafua ai ona valu ma mageso meaola ma faatupu ai le alolofa i meaola ona o nei iniseti.  Tusa lava pe nao le tasi se fili na te aia se taifau e matua mafatia lava i le mageso ma mafatia ai lava i le tele o aso.O se tulaga lelei le taofia o utu ma fili mai le maua ai ma aafia ai tino o taifau.. O le a maitauina o le a le toe tele se avanoa e malolo a i le valu ma salosalo pe fiti nai lo le mea na amata ai mai vaega eseese lo latou tino.O le lulu solo o le ulu ma le valuvalu taliga o se tasi lea o faailoga e faigofie ai ona iloa ua aafia i le utu ma le fili lau meaola.

E faa-selau ona u e le fili poo le utu e tasi lau taifau i le aso. Si tamai taimi puupuu lava e u ai ae o le a matua oo i se tulaga ogaoga le tiga.o le le togafitiina o nei iniseti faalafua o le a oo ail au meaola i se tulaga ogaoga ma le faigata.

E talitonu le toatele o au tomai ole taimi lelei lava e faatino ai lea gaioiga mo fili ole taimi muamua lava e faatoavaia ai i tino o meaola. 

O le puipuiga lava le itu taua pe a talanoa i le utu ma le fili E leai lava se tasi e manao i se utu poo se fili i totonu o latou aiga! 

Nisi o vaega e fesoasoani e faaitiitia ai le numera o utu ma fili:

- Togafiti lau meaola i masina i uma e le fomaimanu i vailaau utufiti. 

- Faamama laulaau ma vele le vao i totonu o togalaau . 

- Faataele i fasimoli ma vai mama 

- Selu  lau meaola i le pulumu e manifinifi nigo ma fufui le pulumu i le vai ma le oa o seluga taitasi uma lava e pepe ai fili.  

- Uu i le fanuu Samoa lau meaola faamafanafana e fesoasoani foi lena faiga.

- Palu sina mea feu i meaai o lau meaola e fesoasoani foi e pepe ai utu.

- Faaoga se vailaau i lou fale e pea o vaitipoto tipi 4 ma pau le tipolo i vaega e 4  ma tatau i se sioki sasaa isi le vaivevela ma faamoe i le po O le taeao e sosoo ai  sasaa le vaitipolo lea i le fagu spray ma fana ai le tino o le meaola. Ia mautinoa le oo o le vai lea i ona tuataliga lona ulu ae au le oo i ona mata lalo o aoao ma tua i lona siusiu. O le a lava le ituaiga metotia e te faaaogaina aua nei tuufauina fili ma le utu, e tele se aafiaga o lau meaola aemaise foi o le a le lelei ai ma lou siosiomaga o lou aiga.

Mo nisi faamatalaga e taua lava le fesootai i le Sosaiete e Puipuia Meaola i Samoa i le numera 22403 pe afai e te masalomia o loo aafia lau meaola i le utu ma le fili.

03 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?