Fa’afetai tele lava mo le fesoasoani

By Aruna Lolani 17 August 2017, 12:00AM

O le Atua lava o le tali o mea uma.

O se fa’aupuga lea sa maua mai ia Lina Tauailoto ina ua avatu ia te ia le foai e $200 a se tasi o Samaria agalelei.

O Lina Tauailoto ma le tama o le aiga e suafa ia Leuma Tauailoto sa faia se laua saunoaga i le Fofoga o Samoa i le tulaga o le vai ma le eletise o lo’o latou iai nei, i le vaiaso ua te’a.

“O le taimi nei o lo’o matou ti vai mai le paipa a se tasi o aiga a le nuu ae ou tatalo pea ia maua vave se matou vai ona o le popolega foi i le fanau aua e kolosi ai i auala i aso uma e aumai ni vai."

“Ua le toe sefe a sesi nei vaitaimi i le tele o faalavelave tutupu mai.”

Sa taua foi e le aiga, e leai se latou eletise.

“E moi a i le eletise ia, ae e mafai a na ola le tagata ia e aunoa ma le eletise; e faaaoga le moli sela i le po ae o le suavai e le mafai ona faapena. E le faigofie foi ona ola sesi pea leai se suavai ma o le mafuaaga lena o loo matou taumafai malosi ai ia maua se matou vai."

“Ua taugata foi le eletise ia aua ua alu i luga le tau o le soifuaga.”

Sa taua e Tauailoto sa talosagaina o ia lea mataupu lea la sa aumai ai ni pepa e saini e le faipule ma matai o le aiga.

“E tele lava mea e fai ma o lea la e faatalitali poo lea le mea o lea oo iai. Aua e uma foi faatalitali le tupe e totogi ai, e $200."

“Ae na o lou atalii matua o loo faigaluega le taimi nei ia faatasi ai ma sina seleni mai le maumaga pea lelei.”

Ina ua mae’a ona faitau e le Samaria agalelei le laua saunoaga sa tusitusia i le nusipepa, sa ia lagona se loto foa’i mo lenei aiga.

“Na'o le Atua lava e i ai le taui o mea uma. Nao le Atua foi na te taui lenei agalelei ua aumai."

“O lea taumafai lava i le mea e sili o le faataunuuina lea o le manaoga lea ua aumai nei, o le faaolaina o le matou vai."

“Faafetai i lenei Samaria agalelei, faafetai foi le outou galuega."

“Faafetai lava i le galuega a le outou Samoa Observer aua o la outou galuega lea o ua iloa mai foi matou e se tasi o Samaria; si tama ma lona ia faletua." 

“E le lava foi se matou upu e faafetai ai foi le outou agalelei."

Alofagia e le Atua, e faamanuia i le outou galuega ae le gata lena aemaise lea Samaria agalelei, faafetai tele lava.

“Faafetai lava le agalelei ma le fesoasoani mai foi le matou aiga."

“Aua o le olaga lava lea o le Samoa; e tiga lava ona tele mea e fia manao ai, pe aisi ma fai ia lesi, e lagona lava le matamuli."

“E ui lava ina matou le silafia o ia, e momoli atu pea le matou faafetai mo lenei meaalofa."

“Ou te faafetai foi le Atua i lona ia agalelei."

“Faafetai aua o le outou fesoasoani lea ua ala ai ona matou maua se fesoasoani mai se tasi o Samaria ma o lea faataunuu le mea na aumai ai lea seleni.”

By Aruna Lolani 17 August 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>