Fa’anaunataiga e fa’au’u ina ia fesoaosani i le aiga

FT
By Fetalai Tuilulu’u, 18 February 2017

O Ioane Leisala, 19 tausaga mai Asaga, Savaii o lo’o a’otauina o ia i le Univesite o le Malini i Mulinu’u. 

I le fa’atalatalanoaga ma le Fofoga o Samoa sa ia ta’ua ai o lo’o a’otauina o ia i le Aoga Malini i Mulinuu.

O le miti a lenei taule’ale’a e fia avea o ia ma seila po’o le tagata fealua’i va’a ae pagā lea e utiuti lava le itu tau seleni.

“Sa matou feola a’e ma nai o’u tei e to’atolu i se olaga faigatā ae sa galulue ma le malosi lava o matou matua.

“Matou te mauoa i le alofa ma o si o matou tinā sa galue ma le malosi e ala lea i le lalagaina o ietoga ua mafai ai ona matou aulia mai ai lenei taimi.

“Ae a tuu mai i le itu tau seleni o i’ina la matou te lima vaivai ai.”

Sa ta’ua e lea taule’ale’a o le olaga i Savaii o se olaga faigofie.

ADVERTISEMENT

“Ma o lona o’o mai ai i Upolu auā le fa’aauauina o lana aoga i le Malini sa ia iloa ai le faigata o le olaga pe a aunoa ma le tupe.

“O le seleni o le itu pito sili lea ona mana’omia tele. Ou te manaomia lava se seleni ina ia mafai ai ona fa’aauauina la’u aoga.”

E mana’omia e lea taul’eale’a se seleni e totogi ai lona pili aoga.

O le taimi nei o lo’o nofoaoga lenei taule’ale’a i nisi o ona aiga I Alafua. “O le tele o taeao ou te ala lava i le ono sauni i le aoga,” o lana tala lea. “Ae ona o le tau leai oni pasi i Alafua, e tele lava ina ou savali mai Alafua aga’I I Moamoa e fa’atali ai se pasi.” I le toe fo’i mai ai o Ioane i le fale e savali mai lava mai Mulinuu i le latou fale i Alafua ona e leai sona pasese e sau ai i le pasi. “Ae mai nei faigata uma, out e lagona lava le fesoaosani mai o o’u matua ma le la’ua lu’I ina ia aua ne’I o’u fa’avaivai ai.”

Sa ia ta’ua fo’i ua tuai lava na o’o I le taimi o lona fa’au’uga.

“O le matou aiga o lo’o fa’alagolago malosi i lo’u tina ma ana ietoga,” o le saunoaga lea a Ioane.

“Ua ou fia faigaluega ina ia mafai ai ona ou fesoasoani ma le malosi i nai o’u matua.

“O le tele o taimi e tu’ufesili ai lo’u mafaufau pe aisea e le pei ai Upolu o Savaii e faigofie mea uma.

“Ae pe aisea fo’i e eseese ai le olaga o Upolu ma Savaii e fai lava si televavaeo le olaga I Upolu nei.”

Afai e te fia fesoaosani i a Ioane fa’afeso’otai le numera 7279023.

FT
By Fetalai Tuilulu’u, 18 February 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?