Taugata le soifuaga

UF
By Ulimasao Fata, 05 November 2017

O le tele o le ‘a’afiaga o le taugata o le tau o le soifuaga ua va’aia i Samoa nei.

O lea le talitonuga o Tupe Leiataua i le Fofoga o Samoa.

“Ia ua o tatou iloa uma lava le taugata o le tau o le soifuaga ua i ai nei.” O lana tala mai lea.

“O le taimi lenei, aemaise lava i tagata faigaluega ia o le a le tetele o totogi e sau lava e pei lava e lafo i le vai, 

“E le taitai na umi se taimi o e i lou lima se tupe ae uma ,  e tele lava nisi o tulaga e o’o i ai pe a le vave ona faia i ai se fuafuaga ma o se itu lelei tele lea.

ADVERTISEMENT

“E lelei lo tatou iloa o le mata’utia ua i ai le tau o le soifuaga i le taimi lenei, ua le toe ula lava i ai se tagata.

“O se itu taua o le tatau ai lava o le taumafai o so’o se vaega aua le aga’i atu ai le lumana’i aua ua tatou iloa uma lava le taugata o nei aso.

Na ia fa’ailoa o le isi lea mafua’aga ua tele ai le mau solitulafono i Samoa.

“E pei o le mea lava lena o lo’o ua tupu mai lo tatou atunu’u ma e le tau fa’ailoaina, o le isi tagata e leai loa se tupe ia e pau lava lena o le mea e oso mai le mafaufau – o le fai o le mea sese.

“Ona e pei o lea lava le mafuaaga e ao ai lava ona tatou va’ava’ai ai itu e mafai ona fesoasoani mai ai i  a te’i tatou.

“E ao ona silafia lelei vaega uma nei, aua e pei o le isi tulaga ua tele ai lava tamaiti fa’atau i luma o le auala, ona o le tauagata o le soifuaga.

“Aemaise ai o le le mafai ai lea e matua ona fai se fuafuaga fo’i le le aua le aga’i ai luma o latou soifuaga.

UF
By Ulimasao Fata, 05 November 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?