Manaomia le ola lelei ole vai

TU
By Talimalie Uta, 17 August 2017

Mai le tele ole vevesi o lenei olaga, sa faaalia e Val Felise o loo sologa lelei pea uma ma o loo faigofie foi mo ia ma lona aiga.

Sa maua le avanoa a le Fofoga o Samoa e faatalanoaina ai le alii ia Val 20 o Samusu uta ao galue ai i le faamamaina o le latou faatoaga

E le faigaluega Val aua o lona tiute lava ma gafa ole tausiaina o lona tama aua toe o laua o loo nonofo i Samoa nei.

“E toalima i matou, o lesi vaega lae faigaluega ao isi o loo nonofo ma aumau i atunuu i fafo.”

Ae, pau le itu sa faaalia ai le le malie o Val o le itu lea i le suavai. E le ola i taimi uma le latou paipa aua e tusa nao le lua lava vaiaso e fai ma ola ai ile masina.

“A pe le matou paipa, ua avea ma mea faigata mo i matou le o solo e saili vai.”

ADVERTISEMENT

“E pei ua avea ma se avega mamafa masani mole ma aiga le saili vai pea pe le paipa.”

Ae e faafetai pea Val i le i ai ole vaitafe i le latou nuu, o loo fai ma faaolataga ia tei latou ae maise pea pepe latou paipa. O le vaitafe lava e tua iai, a misi foi ma o ua agai i latou fale o loo tu i le aai e la’u mai ai vai.

“E manaomia lava e i matou le ola lelei o matou vai.”

Sa fesiligia foi pe manaomia ni tane vai.

“Ioe, e matua manaomia lava, atonu e fai ma fesoasoani sili ia te au.”

“O le iai foi o le tane vai, e fai lea ma fesoasoani ia te au ma au galuega faatino i aso fai soo.”

“A oo ina pe le paipa, e le o se galuega faigofie le lauina o vai.”

Sa faalia e Val, e taua tele le vai i tagata ma o se mea tatau lava ona iai le vai i taimi uma

Sa faalia e Val, e le o nao le latou aiga o loo tupu ai lea faafitauli ae o loo i ai foi nisi aiga o loo feagai ma lea faafitauli.

TU
By Talimalie Uta, 17 August 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?