E sili atu lava nu’u i tua nei i le nofo

AL
By Aruna Lolani, 16 July 2017

O le maua o le fa’atalatalanoaga ma le tamā ia Sapatu Pili ma le Fofoga o Samoa le aso ananfai e tele le taua ma le aoga o ali’i ma faipule i toonu o nu’u. 

“O la’u lava ia tilotilo iai e sili atu lava nu’u i tua nei i le nofo,”o lana lea tala. 

“E tele lava ma taua le aoga o matai ma faipule i totonu o so’o se alalafaga o Samoa.

‘E aoga foi e puipui mai ai amioga le taupela o alalafaga. O le tulaga foi o le tele ai o fa’afitauli i totonu o le taulaga ma nu’u e latalata iai ona o le leai o ni faiganu’u a faipule ma ali’i.

“O le tulaga tonu ai foi lea o le tele o femisaaiga, maimau ai ola o tagata ma le tele o fa’afitauli ona o le leai o ni matai e ta’ialaina nei tulaga. 

“Tele ai foi ona o i le falepuipui, maimau le taimi maimaua i foi le olaga ae le fa’aoga tatau e tausi ai aiga ma matua. 

ADVERTISEMENT

Sa ia taua le tele o suiga o le taulaga ma le nu’u. 

“O Apia lava ia i lo’u va’ava’ai iai i Apia o le tele lava o aiga ma le fanau e le’o fai lotu fa’atasi, e tu’u fau lava le fanau ia e tafafao solo e fa’apena foi ma matua. 

“O le eseesega lena ma nu’u i tua nei, e ta loa le logo iloa lelei ua tatau na fai faigalotu ma taimi o afiafi faleaiga. E mamalu lava pulega i tua nei nai lo Apia. 

“Tusa foi pe leai ni sa le afiafi e fai lotu lava tamaiti i totonu o aiga. E pei o le tulaga lelei na i le nofo i tua i nu’u.

“Ia o sina fautuaga i le malo ua tatau ona una’i fa’amalosi faipule ma pulenu’u o nu’u taitasi ina ia fa’amalosia le faiganu’u, tulafono ma nisi o vaega sa masani mai ai Samoa. 

“Aua o lo’u iloa lava i nei aso, ia ua tele lava vaega ua mou ese atu ma i Samoa nei. Ia o sina va’aiga fa’ataitai o le va o e tuafafine ma le tuagane. 

“Ia ua ese lava tulaga ua alia’e mai lenei vaitau. Ua tele lava ina leiloa e le tuagane le va ma lona tuafafine. Ua ota fa’alogo foi i fa’amatalaga feavea’i solo ua leai lava mafaufau ifo e iai leva tapuia. 

‘Ia  e pei o nisi nei o vaega e ao ona fia fa’aleleia ae o tulaga uma tau nonofo ai tua nei o lo’o lelei lava mea uma. 

AL
By Aruna Lolani, 16 July 2017

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?