manatu o le Fa’atonu - O loo taofiofi lava le manava ma faatali pea le Palemia o Tuilaepa

Fe
By Faaliliu e Seagaitumua Tupuola, 28 July 2016

Ona o lea ua toetoe lava pulea atoa e le malo le Palemene-o lea la ua aliali mai ua matua fulitua lava i le Itu Agai-ona ua le o toe i ai, o le avanoa e afua atu i le taimi nei o soo se felafolafoa’iga anoa i totonu o le Maota e uiga i nei mataupu ia e sili ona taua i tagata lautele –ua matua leai lava. Tatou tilotilo la i faiga pi’opi’o i totonu o faigamalo mo se faata’ita’iga. 

O lenei gasegase-poo mea leaga a le malo pe afai e tusa ai ma lou manatu-ua matua avea ma mea faatiga lea ua loa ona tosotoso malie ai lenei atunuu i tausaga faatoa mavae atu, o loo tosotosoina malie lenei atunuu ma ua manino mai se’ia o’o lava ina tafetotoi ona tuli. 

Ona pau lava o le mea e te faia ina ia e talitonu ai-o le tilotilo faataamilo lea ia te oe i aso nei –ona e vaaia ai lea e faapea o le mativa-o le mea tonu lea e fanau mai faiga pi’opi’o tau faigamalo-lea ua pogai ai a tatou faafitauli i le taimi nei e aofia ai le faatinoina i se faiga e le mafai ona vaaia muamua, sauaga faatautala i totonu o le aiga-ua matua tupu talaulau i taimi uma i tausaga faatoa mavae atu ma i le asŏ-ua avea ma mea ua tupu soo ma ua faapopoleina ai pe a mafaufau i ai.

O le fesili la e faapea: O le a le mea e ono tupu mai pe ana faapea sa tausisi le malo i le usita’ia o le tulafono ae le o le taumafai e tafi ese e peiseai e leai se mea faapea o i ai, aemaise ai lava le taulimaina o Lipoti e le Pule ma Su’etusi Sili mo tausaga 2010 ma le 2011?

 O le mea moni, o le a se mea semanu e tupu pe ana le teena e le Palemia o Tuilaepa Sailele Malielegaoi ia lipoti e peiseai e le kea i ai, i lo le osofa’ia o i latou ia sa fesiligia lana faaiuga e ala i le tuua’ia o i latou  o “vale ‘ai-aile ma ‘vale ‘aipopo?”

E lelei la ona tatou toe o tasi lava i tua i le Lipoti a le Pule ma Su’etusi Sili o Fuimaono Camillo Afele mo vaitaimi na faai’uina i le aso 30 o Iuni 2010 ma le aso 30 o Iuni 2011, ia ua uma ona tuuina atu i le Palemene, ma e o’o mai lava i le asŏ, latou te le’i tuuina mai lava faalaaua’itele e pei ona manaomia e le tulafono.

Ia-o le a le pogai ua mafua ai lea uiga faatuai mata’utia? 

O le mea lenei ua matou iloa.

.O ia lipoti na faataatia i luga o le Laulau-a-fono a le Fono Aoao Faitulafono i le ogatotonu o le 2012-ae sa le mafai ona talanoainoa e pei ona faatonuina e le tulafono. Ae o le mea na fai, sa tuuina atu i le vaega sa faaigoaina o le Komiti a Alii Ofisa o le Palemene (O.P.C), faatasi ai ma faatonuga ina ia toe iloiloina ia lipoti ona toe tuuina atu lea i le Palemene. 

 Sa faapena lava ona fai. 

Mulimuli ane ina ua tuuina atu i le Palemene mea na maua i suesuega a le Komiti o Alii Ofisa o le Palemene, sa matua faamaonia ai mea uma na faaalia e le Pule ma Su’etusi Sili o Fuimaono –i totonu o ana lipoti, ma o le mea e matua sili le leaga o lea Lipoti e faasino i le Faalapotopotoga o Eleele a Samoa (S.L.C.) ma le lalolagi o tuuaiga tau faiga pi’opi’o na toe fai. 

I le taimi o lipoti a le Pule ma Su’etusi Sili o Fuimaono,  o le S.L.C. sa i lalo o le vaaiga a le Minisita muamua o Tupe, o Faumuina Tiatia Liuga.

Ma na tula’i mai ma le isi faate’i uiga ese.

I le taimi nei, sa faaalia e faapea o le Ofisa o le Loia Sili muamua a le Malo o Aumua Leung Wai, sa auai i lea faiga lea sa faaigoaina o faiga pi’opi’o a le malo, e pei ona tuua’ia i totonu o lipoti a le Pule ma Su’etusi Sili o Fuimaono.

Mulimuli ane ai, i totonu o se imeli e tali mai ai i fesili a le Samoa Observer, na faamaonia e Aumua e faapea o lona ofisa sa iloiloina lipoti a le Pule ma Su’etusi Sili o Fuimaono, ma le Lipoti a le Komiti a Alii Ofisa o le Palemene (O.P.C.)

Fai mai a ia: “O lea toe iloiloina o le Lipoti a Alii Ofisa o le Palemene ma lipoti a le Pule ma Su’etusi Sili ua mae’a, ma ua uma ona tuuina atu i lo tatou Palemia.” Na ia faaalia foi: “O lo’u ofisa  e le o i ai se sa’olotoga na te faailoa atu ai mataupu o i totonu o sea toe iloiloga.” 

O le mea ua tupu,  o Aumua lava ia o se sui auai o se komiti faatino o le S.L.C.ae ui o lea, ua manino foi sa le matua auai o ia i iloiloga o loo fesiligia. 

Ae poo le a lava, e le o se mea lelei mo le Minisita Lagolago o Pisinisi a le Malo o Papalii Niko Lee Hang, lea na ia fesiligia le auai ai o le Ofisa o le Loia Sili a le Malo, talu ai ona o lipoti ia latou iloiloina-o loo matua faitioina ai lava le malo. Fai mai a ia ua lagona lona popole ona o mataupu na lagā e lipoti aFuimaono ma toe faamaonia e le Komiti a Alii Ofisa o le Palemene sa aofia ai le Minisita muamua o Tupue, o Faumuina ma le S.L.C.

Mo se faata’ita’iga, sa le ‘ausia e le S.L.C.ana tupe maua faatatauina mo le tausaga faale-tupe o loo iloiloina, 1 o Iulai 2008-30 Iuni 2009.” Ae ui o lea “o se tupe maua moni faatatauina  e $T11 miliona na le maua o le tala faatatau o tupe maua mo lea tausaga.”

ADVERTISEMENT

E faaopoopo atu i lea tulaga, “na te le’i ‘ausia ana tupe maua faatatauina mo le tausaga faale-tupe o loo iloiloina, 1 Iulai 2008-30 Iuni 2009.” O le Lipoti a Alii Ofisa o le Palemene na lipotia ai foi le “pa’ū o tupe maua i le faagasologa o le sueina faa-su’etusi o tausaga faale-tupe ona o le tele o tupe na tuuina atu e le Faalapotopotoga i galuega tetele –ia sa le mafai ona ia faatupeina.”

Mo se faata’ita’iga, sa i ai se tupe ua “soona faaalu e $2.4 miliona…”talu ai le faatinoina o galuega tetele ia na iloa e le faalapotopotoga e leai ni ana tupe e fai ai, ma e faaopoopo atu i lea itu, na “totogi e le faalapotopotoga le “$2,848,340.00 o meatotino tumau i se kamupani e igoa o le “middle man,” E le o manino mai poo ai le “middle man”.

Ona pau lava le mea na mafai e le Komiti ona “faamaonia” e faapea o le kamupani lea e aofia ai le “middle man” o faamautu i NIu Sila ma o lona ofisa i Samoa nei e i Vaitele.”

Fai mai le lipoti a le komiti o lona atugaluega na faailoa atu ina ua totogi  pepa o totogi mo meatotino tumau i talā Amerika ae le o talā Niu Sila.”

Sa faailoa mai ai foi “sa matauina e le komiti e (faapea) e matua taugata lava mo le faalapotopotoga pe a faatau mai meatotino tumau pe manaomia soo se auaunaga tau feutanaiga-aemaise ai lava le faafeagai mai le na o le tasi le kamupani i totonu o le Iunaite Setete.”

Ona soso’o ai lea ma le “totogi e $T123,005.51 i le tagata suesue na fautuaina ma aumai i totonu e le kamupani a le tagata tu-totonu na te faatinoina le aoaoina o le faaaogaina o le loli.”

O le a le loli? Ua manino mai “ose loli tuai ‘eli vai na faatau mai le Iunaite Setete.”

E tusa ai ma le lipoti a le Komiti a le Palemene, na faamaonia e le Kapeneta se tau e $T1,899,968 mo lea loli, faatasi ai ma le tiute o le faaulufaleina mai e faaopoopo i luga atu o le $292,242.10.

Ae o le tau na totogi e le Faalapotopotoga mo lea lava loli sa $2,192,210.90. Pe o mafai ona faaaoga lea loli i le taimi nei e le o manino mai. Ae mo le “kamupani a le middle man” lea na ia maua mo le Faalapotopotoga o Eleele a Saoa, o lona igoa e le o toe lilo.  Ua faamaonia e le Komiti a le Palemene i le taimi nei e faapea o lona igoa moni o Seylecki Global Supplies (SGS) 

O lea nofoaga e maua ai o Vaitele ae ua manino mai o loo “faagaoioia ma pulea e se alii Samoa faipisinisi e nofo i Niu Sila. O isi mea o loo totoe ai o le misitelio lilo. .

Ae ui o lea, fai mai le Komiti a le Palemene “ua uma ona faaalia i mea na maua faa-Su’etusi e faapea o le toe iloiloina o tagata o loo nofo aitalafu i oloa a le S.L.C. na faaalia ai e faapea o le $T 1.5 miliona  e faasino i le 76 pasene o le aofai atoa lea o tagata nofo aitalafu tau fefaatauaiga.  

Ona soso’o ai lea ma le taavale uiga ese o le “Lexus Vehicle”  lea na faatau e le faalapotopotoga mo le Minisita i le tau e $T399,105.90-ae o le tau na faaalia i tortonu o le “tala o le tupe na tuuina mai e $200,00,” Fai mai le lipoti a le komiei: “(Ona )pau lava  lo matou popolega e faapea  e le’i uia le ala o le taualumaga e masasni ai tau le faatauina o se mea.”

Ma o lea atugaluga –fai mai le Komiti a le Palemene-e matua taua tele i isi galuga tau le atiina a’e a le S.L.C.e pei o le Malae Ta Polo i Faleata, le Maketi i Salelologa, le Maketi i Vaitele ma lona ia lava nofoaga autu i Faleata ia ua mae’a ma ua faagaoioia., ae paga lea, e lei totogiina lava e le faalapotopotoga soo se lafoga taofiofi i le matagaluega o Tupe Maua a le Malo. 

E pei ona faamatalaina e le Komiti a le Palemene: Ua iloa e le komiti le anoano o tupe tau aitalafu e lei totogiina e pogai mai lafoga e lei totogiina i luga o nei galuega tetele, aemaise ai lava galuega tau fausaga  o lo faagasolo mo taaloga a le Pasefika i le 2007. 

”Na matauina e le komiti (e faapea) o se aofaiga e $3,175,360.00 o lafoga taofi-e le’i totogiina lava i le malo i le faagasologa o lea vaitaimi.“O lenei amio e matua le talia lava.

O le itu e faanoanoa ai, o loo faagasolo pea e le faalapotopotoga isi galuega tau atiina a’e (ma ua)faapea ai ona faaauau pea lenei faiga solitulafono.” O le mea ua tupu, “e pei ona faamaonia e le Komiti a le Palemene, o le tau faatatauina o le nofoaga autu o le S.L.C. e $4,495,978.67,” ma talu ai o le eseesega e $1,695,979.67 ua sili atu i lo le “ulua’i tau’ o le “suiga o le galuega” sa tatau ona faamaonia e le Kapeneta.

Ma o lena mea, pe e te loto i ai pe leai, o le faiga lea a le S.L.C., o se tasi lea o faalapotopotoga a le malo e sili ona lelei ona faataavale ma pulea e le Minisita muamua o Tupe, o Faumuina, lea ua tilotilo mamao mai i le taimi nei. 

E foliga mai o se kamupani tutoatasi maumea faatasi ai ma lona suafa lauiloa  o le faaalu tupe –lea ua matua manino mai o le pogai lea na ia matua le aloa’ia ai ma le loto-ta’iala o pulega ua faata’oto-ta’iala manino tau pulega na fuafua e malu puipuia ai meatotino a le malo. Ma talu ai ua loa ona ia fulitua i le mana’oga ina ia mautali atu i le atunuu, o lona pulega i lena taimi sa tatau ona sui i lea taimi ma lea taimi, ma e aliali mai o se tulaga lea e le mafai ona faatino.

I se itu e ese ai, o toe iloiloga ia e aliali mai sa fuafua i le faaleaogaina o lipoti a le Pule ma Su’etusi Sili o Fuimaono mo vaitaimi na faai’uina i le aso 30 o Iuni 2010 ma le 30 o Iuni 2011-ua leva ona faatinoina, ae o le tulaga ua o’o i ai-e le’i faailoaina mai i tagata lautle. Ma e leai se mea ua tuuina atu i tagata lautele e faapea ua sui ai le tilotili i lipoti a Fuimaono.

O lea mea na tupu i le lima tausaga talu ai.

Ma i aso nei, ona o le sasao  ua le ma-taofia o faiga pi’opi’o a le faigamalo lea ua pogai ai le mativa ma le mata’utia o sauaga i le faagasologa o le ala, o i tatou-o tagata lautele e sili ona aafia ai-o loo faatali pea le Palemia o Tuilaepa Sailele Malielegaoi mo ia lipoti.

Fe
By Faaliliu e Seagaitumua Tupuola, 28 July 2016

Related Stories


Bg pattern top

Sign in for free to read more stories

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investgative articles.

Ready to signup?