Mana’omia se Galuega

By Ulimasao Fata 05 November 2017, 12:00AM

E iai le talitonuga e le mafai e le tupe ona fa’ataua le fiafia, ae o tupe lava mea uma.

O le taule’ale’a lenei e suafa ia Toa Tupa’i 30 tausaga mai le afioaga o Falelauniu.

O ia sa faigaluega muamua ae peita’i na ma’i loa lona faletua ona ia nofo lea se is o’o mai lava i le taimi nei.

Na feiloa’i atu le Fofoga o Samoa ma le taule’ale’a ia Toa Tupa’i a’o ia aga’i atu e fai fafie i lana ma’umaga.

“Na ou faigaluega muamua i le Cece’s Bingo ae talu lava ona ma'i lo’u toalua ona ou nofo ai lea."

“O le seleni sa faapea ona maua mai i le galuega a’o ou faigaluega e matua la’ititi lava ia o le isi lena mafua’aga na mafua ai ona ou nofo mai le galuega."

“I le fa’atalatalanoaga ma le Fofoga o Samoa saunoa Toa Tupa’i e toatasi lona atali’i o lo’o latou nonofo fa’atasi ai i Falelauniu."

Na ia taua foi agava’a o lo’o faapena ona i ai ia te ia.

“Ou te fiafia lava ou te galue, ma o a’u foi o se tagata galue malosi."

“O a’u o se tagata fa’auo i tagata toe vave la’u pu’e i mea fou e a’o maim o a’u i le galuega e fai.”

O lo’o sailia nei se galuega mo le taule’ale’a ia Toa Tupa’i ona na ia saunoa o le tausaga fou o le a ulufale atu ai lona atalii i aoaoga e mana’omia lava e ia se seleni aua le totogiina o lana pili aoga aemasie ofu aoga.

“Ua faigata lava lenei vaitau ae ua le toe taugofie foi."

“Lagona lava le loto le fia maua o se galuega aua se seleni mo le faatauga o mea a le atali’i mo le aoga aemaise le tausiga o le aiga atoa.”

By Ulimasao Fata 05 November 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>