“Ua latou faa-‘ona o tatou vaitafe mo ulāvai”

By Pai Mulitalo Ale 20 April 2016, 12:00AM

O matagaluega tonu a le malo e faasino i ai lenei mataupu-aemaise ai lava le Matagaluega o Puna’oa Faale-Natura ma le Si’osi’omaga (M.N.R.E.) ua una’ia ina ia matua mataala i le puipuiga o alamanuia faale-natura a Samoa.

O lea lapata’iga mai se tama’ita’i faipisinisi lauiloa o Moe Lei Samoa, lea na ia ta’ua e faapea o se vaega fou o tagata faipisinisi mai Asia-o loo faaaogaina alamanuia faale-natura a le atunuu se’ia o’o lava ina latou faa-‘ona a tatou i’a ma o tatou punavai o le suavai lelei. 

“Ua faailoa mai ia te a’u e faapea ua latou faa-ona o tatou vaitafe ina ia maua ai ni ulā-vai,” o lana faaaliga lea. “Ua ‘ou vaai ia i latou o potopoto i vaega-eleele faa-taufusi e fagota tuna ma le tilapia ia e tatau ona tu’u e taumamafa ai o tatou tagata.” . “Afai o le a latou ave mea uma lava, o a la ni mea o le a faalagolago i ai o tatou tagata? 

 “O le mea lea-o ai la lea ua lamatia? Ma o le a se mea ua fai e tusa ai ma lea tulaga?” 

Sa le mafai ona maua mai se manatu o le M.N.R.E. ananafi e tusa ai ma ia tuua’iga tau le faaaogaina o alamanuia tau le suavai lelei mo ulāvai ma isi lava meaola.

Ae fai mai Ms. Lei Sam e matua leai se muta’aga i le mea e mafai e nei tagata ese ona fai ia Samoa pe afai e le o mataala le malo.

Fai mai lea Tamaitai latou te le faaaogaina ni pūpū o i totonu o lea faiga e tusa ai ma le faafoeina o a latou pisinisi, o le a latou matua faamaligi le toto tau le siosiomaga se’ia matua matūtū ona latou te le popole i ai.

Sa faailoa mai e Ms. Lei Sam se su’esu’ega talu ai nei a le Matagaluega o Faiga-faiva-lea na maua se alii Saina faipisinisi o ona faaaogaina i se faiga solitulafono fugafuga o le sami. 

 “Matou te mana’omia ni tali mai le malo,” o le faaaliga lea a le tamaita. “O le a le tatou mea a fai i nei tagata? Ua le gata ina latou faatama’ia le ‘aufaipisinisi ae o lenei foi ua latou maua nei mea mai lo tatou sami ma auina atu i o latou atunuu mo i latou ina ia maua ai ni tupe. “O le sami ma le laueleele ona pau lea o lo tatou faamoemoe. O fea se isi mea e maua mai ai ni a tatou tupe?” 

Fai mai Ms. Lei Sam e le mana’o e saga faatiga o ia e ala i le tautala mai i taimi uma ae le mafai ona gūgū pe ana vaaia ua pagatia tagata Samoa. “Ua avea i tatou ma atunuu ua saga maumea ai le tagata maumea ae saga mativa le tagata mativa.” 

Na ia matua tuuina le vaega tele o lea faaseā i le Palemia o Tuilaepsa Sa’ilele Malielegaoi ma lana pulega. “Ou te faailoa atu pea o lo tatou lumana’i ua vaaia ai se tulaga e matua mata’utia.

Ou te tau ane i taimi uma i nei tamaiti o loo faatau atu mea i se taimi sese o le po. “A latou le faatauina atu “salu”-ia poo ni niu i tagata, ma e oso lo’u alofa ia i latou ona e leai lava se isi tupe maua mo i latou.” 

 “Ua le lava ‘ea ma totoe lena -e nuti-momoia ai lou loto pe a e vaaia i latou? 

 “Ma a tatou mafaufau i nei tagata Asia fou ua latou faoa a tatou alamanuia faale-natura, e le faapopoleina outou i lena tulaga?”

By Pai Mulitalo Ale 20 April 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>