Fesoasoani i lou aiga
O le 21 ai o tausaga o Toma Usoali’i sa nofo mai ai ma le aoga.
Na ia fa’ailoa o se itu taua tele i a te ia, o le mafai lea ona fesoasoani i lona aiga.
“Ia e pei o lea lava le tulaga o lo’o ua i ai nei, e ta’u sa’o atu lava ia na le uma a’u aoga.
“Ona o le va’ai alofa lava i fanau, ma o se itu lelei tele lea mo a’u lava ia.
“O lo’u ia lea iloa i ai, e leai lava se mea e faigata pe a fai tatou te loto i ai.
“O le tu’ua ai fo’i o le aoga, ma sau e faigaluega ia o lea ua ou fiafia lava i ai.
Na ia fa’ailoa o le ‘itu taua lava o le fa’alogo atu loa e le mafaia le aoga nofo loa ma fa’aaoga tatau le malosi e tausi ai matua’
‘Ia o si o matou aiga ia e lima vaivai, e pei o lea lava le tulaga na ou mafaufau ai e tu’u loa le aoga.
‘Ae fa’asaga mai e fai le aiga ina ia faigofie mea uma, ia e moni lava ou te iloa e le lelei lea mo a’u.
“Ae o le itu taua lava o le fai o so’u sao mo nai o’u matua.
Na ia fa’ailoa na o lona tamā na faigaluega.
“Ina ua ou ta’utino lava ua ou le mafaia le aoga, ia na fai mai ai loa i a te a’u e su’e se galuega.
‘O lea fo’i ua ou fiafia lava i ai le taimi lenei, ma ou te iloa o se itu lelei tele lea mo a’u ina ia taumafai mea uma mo le lelei alu i luma o le olaga.
“E leai lava se mea faigata pe a loto i ai le taimi lenei, e pau lava la’u ia fautuaga i matua.
“Ia o le taumafai pea e una’i fanau i aoga, e pau le mea e fa’afetai ai le Atua, ia o lea ua maua le galuega e fesoasoani ai aiga.
“Ia ma fai ai se aoga mo lenei taimi.