E suamalie galuega pe a fa’amaoni

By Vatapuia Maiava 01 October 2016, 12:00AM

“E pei o sa’u mea fiafia lo’u ala ane i le taeao ma matamata i i le ola lauusiusi mai o la’u fa’ato’aga i taimi uma.” Le tamā i a Kerisimasi Iosefa o le afioaga o Le’auva’a. O le aso ananafi na fa’ailoa ai e Kerisimasi i le fa’atalatalanoaga ma le Fofoga o Samoa le agaga fa’afetai ona ua mafai ona toe maua le avanoa e toe fo’i mai ai i lona aiga  va’ai ai i le manuia o le ‘ele’ele.

O le fa’ato’aga a le tamā o lo’o tōtō ai kukama, maukeni ma isalaelu ma isi o fuala’au ‘aina aua lava le tausiga o le aiga ia ma fa’atau  aua se tupe fa’asili.

 “O lenei fa’ato’aga ia e le’i leva ona galue i ai aua e le’i fuafuaina fo’i fa’apea o le a i ai se aso o le olaga e fai ai se fa’ato’aga.

 “O lo’o o ma nonofo nei ma se tasi o uso i lo matou fanua nei, ma ua leva ona nonofo i Niu Sila i le tele o tausaga.

“O le 2008 na ou toe fo’i mai i le taimi tonu sa fa’ailogaina ai le 100 tausaga o le Lotu Katoliko ia ma e mai lava i le taimi lena e o’o mai lava i le asō ou te le’i toe fo’i.

“O le tolu masina talu ai fa’atoā ou fa’ato’a ai le fanua lenei, o fanua o tua’a ua maliliu.

 “Ia ua sau ma va’ai e telē lava le fanua,  ia o’u fa’apea ifo loa ia e manaia loa lo’u galue ai loa, ma na fa’afeso’ota’i loa lo’u aiga,  o a’u o le ā ou nofo iinei.

 “Ia e pei ona outou maitau atu nei ia ua amata ona fua mai le lau’ele’ele ma o se fiafiaga tele lea i a a’u le ta’oto’oto ma tilotilo atu i fafo.

 “Ia na amata mai lava i le fauina o le faleo’o i luga o le mati’e o lo’o tu’u mai i tua ia ma tōtō loa fuala’au aina e pei ona ona outou titilo atu nei.

O le talitonu o Kerisimasi i le olaga galue e maua ai manuia, na amata mai i le tele o taimi a’o laititi mai lona tua’a.

 “Ia o lea lava o lo’o mulimulita’i ai lava i upu lelei na aumai e lo’u tamā, a le afu le muāulu ia e le ‘ai. Ia o nei lava i Samoa e pei o lena lava, a le galue ia e leiloa pe fa’afefea ona ola.

 “O lo’o tele aiga e tele ina lē tagolima ia ae leai lava se isi mea e sili atu nai lo le galue e fesoasoani ai le vaivai i le tele o taimi.

 “O nei i Samoa e sa’oloto le tele o mea, e tusa lava pe e te le faigaluega e mafai lava ona e galue i le lau’ele’ele.

 “Ua tele lava le suiga e pei ona ua i ai le toe fo’i mai ai le atunu’u, ua lelei le tele o auala e sau i tua nei ma ua so’o moli fo’i pe a fuafua atu i aso ua alu ia o lena.

 “Ia o lo’o faigofie le fa’agaioina ai o vaega uma, ma o lo’o solo lelei mea uma, o le tele taimi io fa’atau atu e tai $25 le tau o a’u kukama lapopo’a nei i se tasi o faleaiga a le Saina, ma o se fiafiaga tele lea i a te a’u.

By Vatapuia Maiava 01 October 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>