Govt. mull over Church tax plea

By Elizabeth Ah-Hi 20 June 2018, 12:00AM

The Elders of the Congregational Christian Church of Samoa (C.C.C.S.) and Prime Minister Tuilaepa Sa’ilele Dr. Malielegaoi were unable to reach an agreement during their much-anticipated meeting on Monday.

This was confirmed by the General Secretary of C.C.C.S., Reverend Vavatau Taufao. 

He said they were told during the meeting that the Prime Minister and the relevant government officials would have a meeting to discuss their letter to the Prime Minister.

The letter, which a copy has been received by the Samoa Observer, recapped their position on the matter of taxes.

“They said that they will have a meeting about it and they will let us know their decision. That’s it,” Rev. Vavatau said. 

“So all we can do is wait, but we hope that the Government changes the law or takes it out.”

With regards to what actions the congregation will take when the Government enforces penalties on them for non-compliance of the new tax law, Reverend Vavatau said he can only speak for his actions should it ever come to that.

“We hope the Government will change the law or take it out,” he said. “I’m praying for it but I don’t know.  Also I can’t say anything about it or speak about it on behalf of others except for myself. If there are consequences and I end up in jail, I don’t care because I believe what I am doing is right and it’s what I believe in.”

Referring to members of their church and other church denominations who are vocal in their support of the Governments’ decision to tax their church Ministers, Reverend Vavatai said their congregation is a democracy and therefore the majority rules. 

“It’s like anything else, there are some people that support the laws if it’s out of their respect for the Government, but the vast majority of church 98 percent or 99 percent support our congregation’s position to stand firm on this taxing alofa issue. 

“At our last conference, only one person voted to pay tax out of 700 plus members.

“As for the other churches who agree to pay taxes, I can’t say anything about that because they can decide for themselves and I respect them for their decision to do so. 

“I go by my own beliefs because I cannot accept people touching my alofa. I am a faifeau who works and receives a salary which is already taxed. I give alofa, I don’t receive alofa. So I cannot accept that and I stand my decision. I give my taulaga to thank the Lord for the all the blessings given to me.”

Asked about his thoughts on the E.F.K.S. church Ministers in New Zealand who comply with the law of the land to tax their alofa, Reverend Vavatau said that context must be provided about the tax systems in New Zealand and Samoa.

“People have a different understanding because in New Zealand their tax laws are different and the people who are giving the alofa to the faifeaus are tax exempt,” he said. 

“All they have to do is fill out a form declaring all their church contributions which will be reimbursed. Here in Samoa, we do not have that system. How other people perceive all of this, I can respect their opinions but I do not have to follow what they do. I can only speak and decide for myself.”

In the meantime, the 11-page letter from the church to Prime Minister Tuilaepa, written in Samoan, highlights the church’s position on the issue. 

In the letter, the Church argues that:

• The tax law is not in line with Biblical principles 

• The tax law contradicts the E.F.K.S’s core beliefs

• The tax law will impact the work of the church 

• The tax law does not take into account the church’s contribution to the development of the Government and Samoa

• The need for separation between the church and state

“It is the belief of the E.F.K.S. that our customs, traditions and Christianity beliefs are the pillars of the Constitution of the Independent State of Samoa,” reads a translation of the letter.

“Samoa is founded on God. It means any law that contradicts our customs, traditions and Christianity beliefs, should not be implemented at all.

“There is no doubt that the law in question violates the fundamental religious beliefs and the core beliefs of the E.F.K.S. Church. 

“This is why the Fonotele (E.F.K.S’s General Assembly) rejected this law in 2017 and again in 2018.”

The following is the letter in Samoan in full:

 

 

15 Iuni 2018

 

Afioga i le Palemia 

Paia ma Mamalu o le Kapeneta

Malo Tuto’atasi o Samoa

 

Mataupu: MAU A LE EKALESIA FA’APOTOPOTOGA KERISIANO SAMOA (EFKS)

 

Ia tumau pea le mamalu ma le Pule Aoao i le Atua Silisiliese o lo’o faavae ai le Malo Tuto’atasi o Samoa, ma fa’aao foi iai lana Ekalesia Paia i Samoa ma le lalolagi.

Ae e’e ia i le atulagi ole Tagaloa paia fa’alanugata o le Maota o Samoa. Le afio o lau Afioga i le Alii Palemia, le mamalu o Minisita o le Kapeneta, tainane foi le maualuga o Sui Faipule uma o le Palemene o Samoa. O outou sa ma faiga, nu’unu’u atu ia i Faleupolu e fia o le atunuu, aua e le gafataulimaina i se upu a le EFKS.

Ae matou te faatalofa atu ma le agaga fa’aaloalo tele i le suafa manumalo o Iesu Keriso le Ao o le Ekalesia. E faatulou atu foi pe afai, o le a sopo le manuvale ile fogatia ao ala le mafua-alii. O le Mau a le Au-Kerisiano e pei o la le Aposetolo o Iakopo; “O le iloa o le mea e tatau ona fai, ae le faia, o le agasala lea.” Tulou, Tulou, Tulouna lava.

Ao lenei tusiga, ua tuuina atu ose MAU tusitusia a le EFKS e uiga i le Tulafono ua pasia ma ole a faamamaluina, e fa’alafogaina ai taulaga a tagata lotu o le EFKS e ala i o latou “alofa” o loo ofoina atu aua le tausiga o le aufaigaluega Faifeau tausinuu.

 

MAU: E LĒ TALIAINA E LE EFKS LE FA’ALAFOGAINA O ALOFA O ONA FAIFEAU TAUSINU’U.

O le finagalo lea o le Ekalesia EFKS e ala i lana Fono Tele 2017, lea na toe faamausaliina i lana I’ugafono o le Fono Tele i le tausaga nei, 2018. Mo le silafia, e le itiiti ifo i le 98 pasene oi latou uma na aofia i nei Fono Tetele e lua, i latou sa teena lenei tulafono a le Malo. Na malama lava ulugalu le mafuaaga autu o lenei tete’e; ona e a’afia ai Talitonuga fa’ale Lotu EFKS, aemaise o ana A’oa’oga faavae faale- Tusi Paia i lenei tulafono.

 

A’AFIAGA O LE EFKS I LE MATAUPU.

E ui lava ona o le Tulafono ua taua, e faatatau ma faatutu tonu i Faifeau tausinuu i aulotu taitasi a le EFKS, ae ia silafia, o le tofi faifeau (F.S, REV) Faifeau Samoa o so’o se faifeau EFKS, o le meatotino a le EFKS. E ia te ia (EFKS) le pule e tuuina atu ai lea tofi i le taimi ua talafeagai ai, e i le EFKS foi le pule e toe fa’amuta ma aveese ai lea tofi, i ni mafuaaga ua tatau ai. O faiga faavae lava ia a le EFKS o loo faafoe ai lana Galuega molimau, aemaise o lana Aufaigaluega faifeau talu mai lava le amataga. O lona uiga, e le ma nofonofo le Ekalesia faatina (Mother Church) EFKS, pe a afaina pe aafia soo se itutino, poo se faifeau i soo se mataupu. O lona uiga foi, o le aafia o le EFKS i lenei mataupu, o se tasi lea o ona tiute taua. O le vaai totoa i mataupu e aafia ai ona tagata Lotu, aemaise foi o lana aufaigaluega faifeau.

 

MAFUA’AGA OLE MAU

 

1. E le ō gatusa le tulafono ma Aoaoga a le Tusi Paia (Taiala a le Tusi Paia mo Lafoga o Tupe/Oloa/Tamaoaiga Maua)

 

Ia silafia o le Faatuatuaga ma Talitonu o le Ekalesia EFKS e taiala lava e le Tusi Paia e tusa ma lana lava ia faitau i Afioga a le Atua. Ua tuuina atu na’o le vaega e faatatau i “lafoga o Tupe Maua” (income tax) i lenei tusiga. E manino foi le EFKS i le taofi eseese o tagata ma Ekalesia. Ma e ui lava foi e faaaloalo ma amana’ia  e le EFKS nisi foi taofi, peitai e lima ta’ita’ina lava le EFKS latou i lana lava ia Mataupu Silisili o loo fausia ai lona Faavae.

O le tala o le Faaolataga ua faaaogaina ai Isaraelu e fai ma nuu ole Atua. E 12 ituaiga o le nuu lea e aofia ai ma le ituaiga o Sā Levī, o le ituaiga lea o le au ositaulaga poo le au failotu.

I pulega a Isaraelu poo le nuu o le Atua, e lafo sefulua’i uma ituaiga e 11 ae na’o Sā Levī e lē lafo lafoga. O nai fa’ataitaiga:

• Ao i Aikupito, e oo lava i le Farao e tapuai i Atua faapaupau, na ia malamalama lelei  ma talia le lē lafo lafoga o ositaulaga (Kenese 47)

• Faapena i taimi o pulega a Peresia. Na matuā faamatamata tetele ai le “aua” nei faalafogaina le au ositaulaga ma soo se mea lava e fai mo le tapuaiga a Iutaia pei ona faamauina i le tulafono a le Tupe o Aretaseta (Esera 7)

O aiaiga lava ia o loo manino i tusi a le au Perofeta ma o aiaiga foi nā na maua mai e Iesu i ona taimi. Manatua, o pulega a le malō o Roma lea na soifua ai Iesu. O ao lafoga na galulue mo Roma, na inosia lava ona o a latou faiga pi’opi’o na ao faasili ai lafoga a tagata. A’o le mea e tasi e mautinoa, e le’i faalafogaina e le au pi’opi’o na ao faasili ai lafoga a tagata. A’o le mea e tasi e mautinoa, e le’i faalafogaina e le au pi’opi’o ia le au ositaulaga. E le’i o’o lava lo latou ma’ema’e i le tulaga lea ma o le ala foi lea e le’o tele ai se talanoa a le Feagaiga Fou i le faalafogaina o se tamaoaiga maua (income tax) a le au ositaulaga.

Aisea na le faia ai ni lafoga mo le tamaoaiga maua (income tax a Sā Levī, le au fai lotu, ma le au ositaulaga? O le tali: Ona e ola i meaalofa a tagata. E lē aofia i latou i vaeva’ega poo tufatufaga o le tamaoaiga, o fanua ma le tele o mea a le nu’u. E faalagolago tasi lava lo latou olaga faaletino i le alofa ma le agalelei o tagata.

 

Sina tala i Mau sii o loo faaaogaina pea e le Malo ma nisi tagata e uiga i le lafoga.

I.  “Ave mea a Kaisara ia Kaisara, ave mea a le Atua i le Atua”

O le lafoga o loo talanoa ai le fuaiupu lenei o le “poo tax” (poo le head-tax e le’o se “income tax” O le poo tax e lafo ia Kaisara, o le faailoga o Kaisara e ona fanua ma tagata uma o loo iai (ownership of land and the people). Pe afai e fai le fuaitau lea e fai ma faavae o le tulafono e faalafogaina ai Faifeau Tausinuu, O ai la Kaisara? Pe afai o le Palemia po’o le Malō, o lona uiga o le lafoga lenei o se faailoga o le ownership a le Palemia po’o le Malō i Faife’au Tausinuu?

II. Mataio 17:24-27

O le lafoga o lo’o talanoa ai mataio i le vaega lenei o lana Evagelia o le temple Tax (Lafoga mo le Malumalu). O lafoga e lafo auā le tausiga o le malumalu. E lua mea e tatau ona tulimata’i- Muamua: Na lafo lafoga ai Iesu i le Temple Tax ona ele’i lavea Iesu i le au ositaulaga a le lotu Iutaia. Lua: O le lafoga a Iesu e le’i faia i ni meaalofa a ni tagata. Na fai i le tupe na maua mai le faiva na faatino e Peteru ona o le faatonuga a Iesu.

Ia silafia foi, afai lava e suesue i le loloto o le Mataupu Silisili o nei lava felafolafoaiga o loo taua ai lafoga i le taimi o Iesu e le Au Faievagelia, e leai leai lava se mea e faasino tonu ise totogiga oni lafoga. Aua o le i’o (context) lava o nei tala uma e pei ona faamauina, ma ua sii mai e tagata e lē malamalama i le Tusi Paia, o le sailia lea o se auala e molia ma fasioti ai lo tatou alii Fa’aola. Ailoga o se mafuaaga talafeagai lea e tatau ai ona totogi ni lafoga a le au galulue a Iesu? O le sailiili auala o tagata le migao e fasioti ai le Alo o le Atua, ae fai ma faavae e totogi ai ni lafoga?  Ia manatua pea, o faifeau tausi nuu, e le ni tagata faigaluega e maua ni totogi, oi latou lava o auauna a Iesu e tausi e tagata lolotu i lo latou agalelei ma le alofa ona ole suafa Iesu. 

 

2. E fete’enai le tulafono tau lafoga ma le Talitonuga fa’a EFKS

1. Talitonuga o le EFKS ile Galuega faa-Faifeau Tausinuu:

O Faifeau Tausinu’u, e ō lava i le Galuega tausinuu ma le talitonuga ua vala’auina i latou e le Ao o le Ekalesia. E faatuatua e tausi lava i latou e le galuega auā o le fetalaiga lea a le Matai. (Aua le avea se ete tupe poo se ofu... Luka 9:2-6. O lona uiga o le galuega e leai se totogi). O lagona o’oo’o loloto ia o lenei vala’auina, e galulue ai ma le faatuatua faifeau, ma le loto tetele i taimi uma, i tiute tauave poo matafaioi mo le manuia o le aulotu ma le Ekalesia. E le popole ai foi i le olaga faaletino aua, e tausia lava i latou e tagata ole Aulotu. Ia manatua foi:

• E leai se tuaoi (limit) o le taimi ole galuega faa-Faifeau Tausinuu.

Tusa pe fafagu atu le faifeau i le tuneva o le po e logo atu ua gasegase tigaina pe ua maliu se tasi o le aulotu, e tulai ma le agaga/loto atoaota ona o le tāuā iā te ia o le vala’au a le Matai. E alu e leai se manatu i se totogi auā foi o lona talitonuga e lē o ia o se tagata faigaluega – e iai pea le lagona mo lona vala’auina e Keriso (sense of calling). O le manumanuga lea o le EFKS. Na’o tagata faigaluega e fai o latou totogi e tatau ona totogi lafoga. Pe a faalafogaina faifeau, o le a avea ma ala e tutusa ai le faifeau ma le galuega a le tagata faigaluega e maua lona totogi. E aveesea ai le lagona o ia o le tagata vala’auina (loss of sense of calling)

• O le faifeau foi, e leai se tua’oi o ona nafa i lana galuega faa-faifeau (unlimited job description). Pe a silasila i faata’ita’iga nei: 

 

a) O loo faamauina i Tala tusitusia a le EFKS le alii faifeau o Lopeti Nuualiitia, ma lana galuega laveai na fai i le nuu sa galue ai. Na faatonuina e matai taulelea o se tasi alalafaga e la’u le fafie ma tafu le afi (tulou) e susunuina ai se tasi o le nu’u ua sala. Na mu ai lava le pito o le pelaue o si faifeau ona o le laveaiina o le tagata agasala.

O le mea moni, e matua leai lēai se tuaoi o matafaioi o le galuega faa-faife’au tausinuu. E oo lava i lona ola e lē toe afaina ia te ia, ona o lona valaauina, e mai lona Matai (Luka 10:3-12)

b) Manatua le taeao o le aso na faamamalu ai le suiga o le itu auala e feoai ai taavale afi, ae                                       poloka e se tasi alalafaga i Salafai le auala, na faasifo lava ma to’otuli faife’au o le nuu, ma usi ai i le filemu le tofa ma le utaga te’eva o alii ma faipule o le alalafaga, ae fegasoloai filemu le atunuu i lena taeao.

Ioe! E leai se tuaoi o matafaioi o le vala’auina. O fea lava tuluiga o faigata e oo iai le ola o le faifeau, ae afai e maua ai le Filemu o Samoa ma ona tagata, e alu lava iai. 

 

Lau Afioga i le ali’i Palemia ma le mamalu o le Kapeneta, e manumanu le Ekalesia i le “lagona o le vala’auina” (sense of calling). O le fatu lea o le galuega faafaifeau. Tatou te faia loa faa-tagata faigaluega (e fai lona totogi) le galuega faa-faifeau, malepe loa ma le fatu e malosi ma maua’a ai le galuega a le Atua i Samoa. Ia manatua, o le galuega Faifeau Tausinuu o le vala’uina mao’io’i (purely a calling) lava, e le’o se vala’auina e fua i ni tomai (career). E leai se fuafaatatau (salary scale) e fua iai ni ona faamanuiaga, aua e faalagolago i lona alualu i le galuega, tainane le alofa o tagata lotu e ola ai ma lona aiga. E le pei o galuega uma a le lalolagi e fua faamanuiaga (totogi) i ona Tusi Paia ma agavaa. E le faapena le tagata ua valaauina i le Galuega tausinuu a le EFKS, aua o lona valaauina e mai le Mata o le Galuega. 

 

(ii) Talitonuga fa’a EFKS e uiga i le Foai ma le Alofa 

 

Soo se foai e faia e soo se tagata o le EFKS, e faia uma lava i le suafa o Alii e ou le Galuega. E faavae i luga o le Talitonuga, o lana faiga taulaga lava lea i lona Atua ma lana Tala Lelei. O fua vaaia ia o lona Faatuatua i le Atua, o lana tali foi lea i le alofa o le Atua ia te ia ma lona aiga ma lana fanau. O taulaga ua ave i le Atua ma ua fai ma mea a le Atua. Poo se tupe e lafo i le Falesā, po’o se suavai e fu’e ma momoli i le fale o le Galuega, poo se inati mai le Nuu, po’o se tupe e totogi ai le pasese o le Faifeau poo lona toalua ua lua ō faatasi i le pasi poo le vaa, poo se tupe e tuuina i le faifeau ina ua feiloai i le taulaga, ma so’o se mea e ofo atu ona o le suafa o le Ali’i – O le talitonuga faa-EFKS, o ana taulaga uma nā ua ave mo le Atua. O le agaga foi lea o lo’o faatino ai “alofa” (tupe mo tausiga o faifeau) o tagata EFKS.

Lau afioga i le ali’i Palemia ma le mamalu o le Kapeneta, e sili ona manumanu le Ekalesia i talitonuga ma faatuatuaga ia o ona tagata lotu. Auā o le faalafogaina o nei tupe o le ā foliga ai i tagata lotu, o “alofa” o loo latou lafoina, o ni totogi mo faifeau o loo latou pale feagai. Manatua:

 

(a) O foai nei ua faaigoaina o le “ALOFA” ma lona natura e faia ai – O le Loto fuatia ifo lava e lelei, talitonu ma le faatuatua o le ala lea o faamanuiaga a le Atua mo ia ma lona aiga ma lana fanau, ae o le fa’aaliga foi lea o lona loto faafetai i le Atua i mea uma.

 

(e) O le Alofa foi e le’o se totogi mo Faifeau ona o ni a latou galuega ua faia mo tagata lotu, ao le foai faitaulaga ona ua faatuatua ma talitonu tagata lotu o lo latou lea vala’auina mo le Tala Lelei a Keriso. 

 

(i) O tupe a tagata o le EFKS ua foai e fai ai o latou “ALOFA” i le faifeau, o le talitonuga faa-EFKS o le MATŪPALAPALA ua tō mo le Atua, o a latou Taulaga ia te Ia, ma e le tatau ona toe fa’alafogaina. 

 

3. Aafiaga o Galuega a le Ekalesia ona o le Lafoga.

O galuega uma lava a le Ekalesia, e faamoemoe tasi lava i ana faiga taulaga, aua e leai se isi ana alagatupe. A’o faiga taulaga nei, o loo taulamua ai lava nai faifeau tausinuu. E iloa gofie lava e tagata lotu e lafo e le faifeau le mea sili ma e afua ai lo latou foi agaga fai mea sili o loo lafo ai a latou taulaga i le Atua. O le pine faamau o le tulaga lenei – Pe a ma le 99% o aulotu e leai ni faifeau i taimi o faiga taulaga, e pau i lalo a latou faiga taulaga mai le tausaga ua tuana’i. Aisea? Auā ua leai se faifeau e faamaite ma unai’iina le faiga taulaga. Ae mai fea tupe o loo lafo e faifeau? O le tali – E mai le “alofa” o loo foai atu e tagata lotu. O le uiga o le tala, o le vaega tele o “alofa” o loo lafo e tagata lotu mo le faifeau e toe faafo’i mai e le faifeau i le Ekalesia, e ala i faiga taulaga, ae maise o le atinaeina o aulotu taitasi.

 

4. SAO MA LE LAGOLAGO A LE EFKS I LE MALO. 

Lau afioga i le ali’i palemia ma le mamalu o le Kapeneta, e faaleo pea se faanoanoaga o le Ekalesia ona o le faapea mai o le Minisita o Lafoga – “e tatau ona tofu sao tagata uma mo le atinae o le Malō”. Aisea ua le amana’ia ai le sao o lenei Ekalesia, o loo taulamua ai Faifeau Tausinuu, e faia pea i tausaga uma? Silasila lau afioga ma le Kapeneta:

(a) O A’oga o le tiute patino lea a le Malo. Ao lea e tausoa e le EFKS le isi mamafa o le avega a le tatou Malo. E lima Kolisi, o le A’oga Tusiata, ma le A’oga Matata Eseese o loo faagaioi ma faatupe e le EFKS i lona lava tamaoaiga. Mo le silafia, o le “Tupe Faaalu” (expense) pito maualuga lenei a le EFKS i tausaga uma, o le faatupega o ana A’oga (Operation, staffing, materials and infrastructure). Silasila lau afioga i le moni o le tautua a le EFKS i le atunuu ma le agaga e faia ai lona sao lenei mo le Malo Samoa ma ona tagata aemaise lona atinae:

(i) E sili atu ma le 60% o fanau ao’oga o A’oga a le EFKS o tamaiti o isi Tapuaiga. 

Faapena fo’i le aufaigaluega, e toatele e le’o ni tagata o le EFKS. 

(ii) E leai ni A’oga Tulagalua a le EFKS. Pe a silasila i le tulaga o lo’o iai, o A’oga a le EFKS e sulufa’i i ai nai tamaiti ua lē talia e se isi lava A’oga. Ao le agaga lea ma le manulauti o A’oga a le EFKS, ia maua avanoa tutusa o fanau uma a Samoa e ao’oga ai i Kolisi maualuluga, lē afaina po’o le a lana tapuaiga. 

(iii) A silasila i faamaumauga o tusigāigoa (census) a le Matagaluega o A’oga (MESC) i tausaga 2014 – 2016, ona silafia ai lea, e sili atu ma le 80% o fanau e le ausia togi faatapulaa (failure) o A’oga tulagalua a le Malō o lo’o talia ma fa’aaooga e A’oga a le EFKS, ina ia tapena le faamoemoe fou mo i latou mo le lumanai. 

 

 

 

 (e) O loo faatupe foi e le EFKS lana galuega faamisionare o loo faia mo le OLOAMANU ma le TAEAO TOE AFUA, o polokalame ua faia e le Malo mo le soifua toe fuataina o ona tagatanuu ua faasalaina e le tulafono. E aofia i lenei faatupega le fausia o le faleaoga, masini computers, piano ma isi mea manaomia e fatino ai a’oa’oga, faiaoga e faia aoga, ma le taavale mo faiaoga e malaga a ii Oloamanu ma toe foi mai.

(i) E iai fesoasoani e faia pea e le EFKS i tausaga uma mo auauanaga a le Malo pe’i o le Fale faamamatoto (Dialysis Unit), ma auaunaga a isi Ekalesia pei o le Mapu-i-Fagalele. E le gata o le EFKS Aoao ae faapena foi lana Mafutaga a Tina. 

(o) Ua tu’u atu fo’i le fesoasoani a le Ekalesia i le Malo i le atinae’ina o taaloga. E faia pea afeleti (athletics) i tausaga taitasi a ua faapea foi ona o’o ana polokalame mo tupulaga i le Kirikiti palagi. E ui lava i le taugatā o ia fuafu’aga, a ua faatino lava ona o le manatu o le Ekalesia i le atina’e o tupulaga o le atunuu ae maise le lagolagosua pea i le Malo ma ona nafa tausi.

(p) O loo totogi lafoga o tiute o oloa mai fafo, totogi VAGST, ae maise totogi o le aufaigaluega e fai lafoga uma. E le ititi ifo ma le 260 le aufaigaluega a le Ekalesia, o le 90% o i latou e fai uma a latou lafoga. Mai faamaumauga a le Ekalesia, o le tupe e totogi e le Ekalesia mo lafoga a ana tagata faigaluega e i le va o le $429,000 ma le $481,000 i le tausaga. O tupe e totogi ai nei mea uma e mai le faiga taulaga a le EFKS. O loo totogi lafoga foi fanau a Faifeau ma o latou auaiga ma tausoga i le Malo i tiute ma faiva eseese o galulue ai. 

 (u) E fa’aopoopo i na sao e tele o EFKS, le sao faaleagaga o lana Aufaigaluega faifeau tausinuu; AUA OLE NATURA MONI LEA O LE GALUEGA FAALEAGAGA ALE AUFAIGALUEGA FAIFEAU TAUSINUU; IA MAOPOPO LE ITU FAALEAGAGA O LE SOIFUAGA O TATOU TAGATA. Latou te fafaga olaga o tagata i Aoaoga ma afioga a le Atua.

E fanau mai i lea galuega taua ma le faigata, tagatanuu fa’amaoni, tagatanuu lotonuu, tagatanuu totoa i mea lelei, tagatanu’u faimeatonu, tagatanuu amio lelei ma amio mama...Ua utiuti ai foi tagata solitulafono ma faatupu fa’alavelave i nuu ma aiga aemaise o le Malo. 

O le faiva tatalo, ma le tofi faanonomanu foi lena o le aufaigaluega faifeau tausinuu o loo manuia ai ou faiva, ma au atinae, aemaise o le tutupu ai o vavega i si o tatou siosiomaga e pei ona molimauina pea lava pea. E seasea ona i ai ni afa ma ni matagi malolosi ma ni lologa ma isi faalavelave faalenatura e pei ona tatou vaaia i isi atunuu ma motu o le atu Pasefika. E faalagolago foi i lenei faiva faaleagaga (tatalo) o le aufailotu, le galuega taua faatausi soifua, aemaise le faiva faa-faiaoga ina ia atamamai fanau a Samoa. Manatua foi, e fanau mai le Malo Tutoatasi o Samoa i le 1962, ua leva ona a’oa’o e le Ekalesia le atunuu i le Talalelei tainane o le Poto-salalau, aemaise ona a’oa’o e le Ekalesia le atunuu i le Talalelei tainane o le Poto-salalau, aemaise lava i le Matematika, le Tusitusi ma le Faitau tusi. O le galuega o loo faaauau pea e oo mai i le aso nei

Aua foi nei galo, e leai ni faiganuu poo se faigamalo a Samoa i atunuu i fafo o papaao ma nonofo ai o tatou tagata. Ae o le isi lea galuega topito faa Talalelei o feagai pea ma le Aufaigaluega Faifeau tausinuu, o le saga faamaopopoina ma faatumauina lea o le faatuatuaga, agaga lotonuu ma le lotoaiga i o tatou tagata o aumau i ia atunuu, ina sei manatua mai aiga i Samoa. E afua ai ona alolofa ma lafo mai pea le tamaoaiga tau tupe mo aiga i Samoa, ma fesoasoani tele ai i lo tatou atinae ma le tamaoaiga. 

O le talitonuga lava la faa-EFKS, ua taele magavai lava o tatou tiute ma faiva mai le Atua, tatou te tofu sao ai i le atinaeina o le atunuu, ma nai o tatou tagata i ona itu uma. E faasaga isi e atia’e le itu i le tino, ae faasaga pea faifeau tausinuu i le itu faaleagaga, o lona sao lena i le atinae lautele o Samoa ma ona tagata mo le lumanai. Faamolemole le Malo e aua le vaaituālafo i lea sao taua o le aufaigaluega tausinuu. O lana lafoga tele lena ua augatupulaga o totogi mai.

 

5. EKALESIA MA LE MALO 

E ao lava ona mavaevae pulega a le Ekalesia ma pulega a le Malō – e lē tatau ona feāiāa’i, ae lagolago le tasi i le isi. O le fotuai mai o lenei tulafono i le silasila a le EFKS, o se aiāina lea e pulega a le Malō o Pulega a le Ekalesia. E fia faatepa e lenei Mau lau Afioga ma le mamalu i le Kapeneta i faamaumauga a le Faamasinoga Maualuga (Supreme Court) a New York 1970:

 

“...the power to tax involves the power to destroy. Taxing churches breaks down the healthy separation of churches and states and leads to the destruction of the free exercise of religion...”

 

O le faamolemole a le EFKS, ia tumau pea le galulue faatasi o le Malo ma le Ekalesia, ae ia aua lava nei feāiāa’i, aemaise i le itu tau Pulega. 

 

6. O LE VAAI A LE EFKS I LE TULAFONO LENEI

I le va’ai a le EFKS o se tulafono e le’o taoto lelei lona faauigaina ma lona faatulagaga.

 

i. Manatua o le galuega faa-Faifeau Tausinuu a le EFKS, e lē mafai ona alu to’atasi i ai se tagata. O le Faavae o le Ekalesia, e le mafai e se faifeau ona talia se valaau mai se nuu, pe afai e le’i faaipoipo. E mafua ona e tele foi le sao o le toalua o le faifeau i le Galuega faafaifeau i nuu ma aulotu. Pe afai foi e iai ni o la alo, o latou uma nei e ō e osi feagaiga ma le aulotu. 

 

E foliga mai le tulafono o le “ALOFA” e fai na’o le Faifeau (tamaloa). Ae fa’apefea le to’alua e tele foi lona sao i le galuega; ma le fanau?

 

ii. I lalo o le Government’s National Accounts, o le “ALOFA” o loo faitau faatasi ma tupe lafo mai fafo e aiga (remittances). E lē tatau  la ona faalafogaina ona o meaalofa.

 

iii. O le suiga na faia i le Vaega 2 o le Tulafono 2012 (Main Act 2012) ua faitauina ai faifeau o Ekalesia (minister of religion) o se tagata faigaluega (employee). A’o ai la e ona le Galuega (employer)? Pe afai o tagata lotu, e matuā lē taliaina e le EFKS lea tulaga auā o faifeau EFKS e vala’au e le aulotu – e lē ina ia fai ma a latou tagata faigaluega, a ia fai ma ‘Faafeagaiga’ mo i latou (E faafeagai ai tagata lotu, aiga, nuu, ma le Atua). Pe afai o le EFKS le employer, o lona uiga foi la o le faifeau tausinuu o le tagata faigaluega e galue fua (volunteer) auā e le’o totogiina e le Ekalesia – E lē tatau la ona faia ni ana lafoga.

O lona uiga, e le talafeagai lava lenei tulafono ma le galuega faa-Faifeau Tausinuu.

iv. O le suiga na faia i le Vaega 61 o le Tulafono 2012 ua aofia ai le vaega “(g) income of minister of religion”. Pe a Iloilo lelei le mea e taua o le totogi (income), e lē mafai ona ta’ua “ALOFA” o se totogi (income).

Pe afai e maua se alauni a se faifeau i sana fono, p’o se tupe mai sana faatoa’ga poo sona faiva – o mea la na e ta’ua o income ma e tatau ona faalafoga. A’o alofa o faifeau tausinuu, e le’o se totogi (income), ae o le maau faitaulaga o tagata lolotu, ua faia ona o le suafa o le Atua e ala i lana auauna.

 

v. Ua fesili lava le mafaufau ona o le tulafono lenei e foliga mai ua tulituli aupū lava faifeau tausinuu e le Malō. Auā e lē nao faifeau tausinuu e maua ni a latou Teutusi. E maua Teutusi a le palemia ma Minisita faapea Faipule uma o le maota i faaaloaloga a Ekalesia ma le atunu’u, faapena foi Pule Sili (CEO) o matagaluega a le Malo, ma le isi toatele. Aisea lava la ua fai ai le tulafono na’o faifeau tausinuu?

 

UPU FAAI’U MA LE TALOSAGA

Lau afioga e, i le Palemia ma le Kapeneta, FAAMOLEMOLE ia seu pea le manu ma tagai ane i le galu. Ua popole lava le Ekalesia i lana vaai faa-perofeta i le sa o Samoa ma le itulagi ua agai iai. Ua e popona tele i le i’a, ae galo ai le upega. Ia silafia, e le atoatoa le malosi o le upega o Samoa pe afai na’o le tino e fa’amamafa, ae seuama i le itu faaleAgaga. E tele lava ni mataupu taua ma ogaoga i le tuanai sa tu’ualalo ai le EFKS i le Malo e tauala atu i le Ekalesia So’ofaatasi; e pei o le Mataupu i Casino, fa’amamaluina o le Aso Sa ma isi. E mafua ona e tele pea faataitaiga faanoanoa o atunuu e siitai le maualuga o le tamaoaiga ma atinae, ae ua afaina le itu faaleAgaga, ma ua lofia i faigata, mea faanoanoa ma fa’afitauli ua le gafatia e le tupe ona toe fofo. Ua agiga foi malae i le tele o taimi saunoaga ma lafoga tuulafoai e fa’atatau i Ekalesia i ana feau ma ana avefeau, ae afua mai mauga tetele. Lea foi lava la ua faata’ita’i iai ma le tinifu latou e pei ose me anoa. Talofa e, i le vatapuia o le Aganuu ma le Talalelei sa tapui e o tatou matua, o lea ua soloa i le fuefue. O le atumatagiga lava lea o le Ekalesia, ona o aafiaga matautia o nei mea nonofo pea le Ekalesia, ma tatalo ma tapuaia pea ou faiva. Peitai i le tulai mai o lenei tulafono e uiga i le faalafogaina o ALOFA o faifeau, ua manatu le EFKS, ai lava ose avanoa lelei lenei e faaleo ai sona lagona mo ona tagata lolotu ma ana faifeau, aemaise foi o Samoa uma.

O le talitonuga ole EFKS, o Tu ma Aganuu mamalu a Samoa, o Tu foi ma Talitonuga faa-Kerisiano, o poutū iloga ia o le Faavae o le Malo Tutoatasi o Samoa. ‘FAAVAE ILE ATUA SAMOA’ O lona uiga, soo se tulafono lava e fia fausia ma faatuina ae aafia ai Tu ma Aganuu mamalu a Samoa, poo tatoau Talitonuga faa-kerisiano, e le tatau lava ona faatinoina sea tulafono.

O le tulafono e pei ona taua ne, o le mea moni, ua afaina faavae faale faatuatuaga, ma talitonuga faavae o le Ekalesia (EFKS). O le auga moni foi lea o le teena e le Fonotele a le EFKS o lenei tulafono i le tausaga e 2017, aemaise foi lenei tausaga 2018. 

 

Ia silafia foi, o le tusiga o lenei Mau, o le aotelega lea o felafolafoaiga, ma fetufaiga o le tofa ma le faautautaga a le EFKS i ana Fonotele e lua 2017 ma le 2018 na latou auau faatasi ai e teena lenei tulafono.

O le tatalo, faamolemole toe liuliu le tofā ma le faautautaga. E tumau pea le lagolago a le Ekalesia i atinae o Samoa ma lana faigāmalo, peitai e lē mafai ona lagolagoina ele EFKS se tulafono e ō’ia ai ona Faavae ma ona Talitonuga.

E tumau pea lana tatalo ma lana lagolago i le Malo o Samoa i soo se mea lelei ma talafeagai, aua le atinaeina o Samoa ma ona tagata, e pei ona faia ai pea ona sao eseese e oo ma ii le taimi nei. Ae ua fia gagana pea Faitolo ma faia pea le mea e tatau ona fai, ona o lenei tulafono ua solia ai ona Faavae ma ona Talitonuga. O le tatalo lava lea ma le faatoga mamate, ina sei toe liuliu le tofa ma toe sasa’a le fafao ona o lenei tulafono. Matou te tatalo pea ina ia toia pea outou finagalo i le malamalama o le Agaga Paia, ina ia outou silafia ai le agaga moni o le Mau a le EFKS ua folasia nei; o ona alofaaga molipo mo Samoa ma lona Malo Tutoatasi.

Ia taitaiina pea e le mana o le Atua Silisiliese la outou faatofalaiga ma le faautaga saili, aua se manuia o Samoa mo a taeao.

 

FAAFETAI TELE,

 

EFKS

 

Laulau o le Fono Tele:

Tautiaga Senara FT

____________________

(Taitaifono)

 

 

Vavatau Taufao FS

______________________

(Failautusi Aoao)

 

 

Tunumoso Soliai Iosia FT

_____________________

(Sui Taitaifono)

 

 

Rimoni Wright FS

_______________________

(Teutupe)

 

Laulau ole Komiti Au Toeaina

 

Tavita Anesone FT

__________________________

(Taitaifono)

 

Iosefa Uilelea FT

__________________________

(Failautusi)

By Elizabeth Ah-Hi 20 June 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>