Mana’omia se tane vai

By Deidre Tautua-Fanene 18 February 2018, 12:00AM

I le mae’a ai o le afā o Gita ae ua tu’ua ai se aiga ma se mana’oga telē o le fia maua lea o se tane vai.

I le fa’atalatalanoaga a le tamā ia Tiatia Faamanu Tiatia, 39 le matua o le soifua ma le Fofoga o Samoa sa ia fa’aalia ai e to’afitu nai ona alo.

Sa ia ta’ua fo’i e tele ma anoanoa’i isi manaoga o lo’o i ai ae o le manaoga pitoisili lea ona taua i si ona aiga aemaise ai o le soifua maloloina o lana fanau o le fia maua lea o se tane vai.

Sa ia fa’ailoa mai fo’i ua fai si leva o fa’atali mo se tane vai ae peita’i e o’o mai lava i le taimi lenei e le’i ea lava le pologa o lea tamā.

 “Ua leva ona fa’atali i nisi o poloketi sa folafola mai ai le tufaina o tane vai ae peita’i lea ua sau lava Gita ma toe alu a’o lenei lava e fa’apenei.

“Fai si faigata ona o’o mai le suavai i matou nei.

“O le tulaga lea ua i ai matou i le mae’a ai o Gita ua fa’aleagaina uma mea uma aemaise lava le fa’atoaga ma le tele o meatotino sa matou tua i ai i le itu tau seleni.

“E ui o lea e nonofo mamao e se mai le samia ma le vaitafe, ae peita’i ua aumai e Gita le oge i totonu o le aiga nei.”

O le tasi fa’afitauli tele o lo’o feagai ma lea tamā o le tulaga o lo’o i ai le latou fale, aemaise lava o le toe fa’aleleia o le fale lēta’ua sa tu i fafo atu o le latou fale.

“O le taualuga o le fale ua fa’aleagaina.

“O ma’a lapopo’a sa taofiofi ai le ma lavalava sa tau pupuni ai le sau o le pisi i totonu o le fale.

E o’o i auala o feso’otaiga ua fa’aleagaina uma aemaise ai le eletise o lea lava e le’I toe fa’aolaina mai. Sa ia fa’asoa mai fo’i e na’o ia lava e faigaluega e tausi le aiga e to’a 10.

“E to’alima tamaiti o lo’o ao’oga ma le tina matua o lo’o matou nonofo fa’atasi.

“E $50 le tupe e maua i le vaiaso, ae le taitai gafatia e lea tupe ona tausi le aiga i le vaiaso atoa.

“E fai chips fa’atau a si o’u to’alua ona o lea ma tamaiti e fa’atau atu.

“O la’u galuega o le ave ta’avale la’u pasese ia e $300 le tupe e ave i totonu a le ta’avale i le vaiaso ona totoe mai ai le o le $50.

“Se’iloga lava e maua nai turisi tafafao mai fafo e feavea’i ona feololo lea o se seleni e maua.

“O le tina o lo’u to’alua e maua i le ma’i suka ma le toto maualuga e mana’omia fo’i le tausiga lelei ma fualaau e tausi ai lona soifua.

“E tatau ona lelei ma soifua maloloina taumafa e taumafa ai le tina matua ona o lona gasegase, ae ua fai lava si taugata.”

Afai e te fia fesoasoani i a Tiatia fa’amolemole fa’afeso’ota’i le numera o le telefoni 7736655.

By Deidre Tautua-Fanene 18 February 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>