Faataua le olaga talavou

By Seia Soloi 21 March 2017, 12:00AM

Ua faaupuina tupulaga talavou o i latou o manuia o aiga nuu ma le ekalesia aemaise le atunuu. 

Ma o le vaai a nisi o tupulaga lalovaoa ina ia saili ni galuega e faaaoga ai le malosi ma le ola pe a ua uma mai le ola aoaoina.

O le manatu lea o le taule’ale’a ia Kilisi Savaiinaea, 24 tausaga mai le afioaga o Fasitoo-uta. 

O le faaaogaina o le ola ina ia galue ai mo le tausiga o matua ma saili ai lava se lumanai o soo se tupulaga talavou.

“Ua vaaia le toatele o talavou o lo’o feoai solo ma maimau solo le malosi ae o le tofi lava ia o le talavou o le saili lea o le galuega aua le tausiga o matua ma aiga” o lana tala lea i le Fofoga o Samoa.

O lona manatu toatele talavou ua iu aoga ae ua augatata e faigaluega, ae ia o latou mafaufau ,o le lumanai o a latou aiga aua o latou le faamoemoega mo a taeao.

O le alii o Kilisi o lo’o faigaluega ne ii se tasi o fale inisinia i Fasitoo-uta, ma o lana seleni maua ma ii lana galuega o lo’o fesoasoani lea i ona matua i mea fai i totonu o lona aiga.

“Ua tatou lau silafia uma le taugata o le soifuaga ua iai nei, ma o le taimi lelei lava lenei o talavou e faaaoga ai le malosi ma le ola aua le fesoasoani a i i matua, aua e aoga galuega tatou te faia a uma atu matua ae o lo’o tatou iloa auala e fai aua le tausiga o fanau ma aiga mo le lumanai.

O le naunautaiga o le alii ia Kilisi mo le lumanai ina ia iai sona ia lava aiga, ae o lana faamuamua ina ia faaaoga lona ola o lo’o galue aua le tausiga o ona matua.

“O la’u miti na mo le lumnai ina ia iai so’u aiga o a’u lava ae mo le taimi nei o lo’o faaaoga le ola e auauana ai mo matua manu o maua le malosi.

By Seia Soloi 21 March 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>